Mathae 26:67 - সান্তালী বাইবেল

⁶⁷ Unre mẽtʼãhãreko thoadea, arko kuhạukedea arko thapakedea.

Santali Common Language New Testament

⁶⁷ Unre mẽtʼãhãreko thoadea, arko kilạukedea arko thapakedea.

Mathae 26:67 Referans Kwoze

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Johan 18:22

Jisu noa kathae roṛketʼ khan sorre teṅgo akan tahẽkan kạmiyạko modren mitʼ hoṛ do uniye thapakedeteye metadea, “Maraṅ naeke nonkam roṛ ruạṛae kana?”

Mathae 27:30

Onko do hoṛmoreko thoadea ar ona ṭheṅga hatao ruạṛkate bohokʼreko dal daladea.

Mark 14:65

Unre adomko do hoṛmoreko thoadea ar uniyakʼ mẽtʼko betʼketʼtaea ar kilạukedeteko metadea, “Am do cetʼ nạbi kanam? Mase lạime okoeye dalketʼmea!” Ona tayom palṭonko do idikateko thapa baṛakedea.

Mathae 5:39

Menkhan ińiń metapekana, jãhãe ape tulucʼ bạṛicʼko beohar khan onko upạrte cetʼhõ alope cekaea; bickom jãhãe jojom johae thapame khan uni do leṅga joha hõ thapa ocoaeme.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Johan 19:3

Ar beguni roṅ reakʼ aṅgropko horokʼadete uni ṭhen senkateko menkeda, “Johar, Jihudikoren raj, jitạu hoyokʼtam ma!” Noa menkate onko doko thapa baṛakedea.

Mark 15:19

Onko do mitʼṭecʼ ṭheṅgate bohokʼreko dal dalaekan arko thoaekan tahẽkana, ar ikhṛumkateko ḍobokʼaekan tahẽkana.

Rak̕joṅ 3:30

Uni do thapakạnicʼ acʼakʼ johae ạcuraema ar henostateye tuhedokʼma.

Jesaea 52:14

Uniyakʼ rup do nunạkʼ bạṛicʼ ocokʼtaea, manwa leka do baṅ tahentaea; ar onate ḍherkoge uni ńelteko ṭhak utạrokʼa.

1 Korinthiko 4:13

arko bodnametʼlere hõ mạ̃hir seletʼle roṛ ruạṛako kana; ar ńit hạbicʼ hõ dhạrti reakʼ mạilạ ar sanamko reakʼ jobra lekagele hoyakana.

Mark 10:34

Ar boṅgan hoṛ jạtrenko do uniko nisṛạuea ar hoṛmoreko thoaea ar cạbuk baṛakateko gojea. Ar pe mãhã hilokʼre uni do arhõe jiwetʼ beredokʼa.”

Mikạ 5:1

E lạṛhại phạdko hotete gherao akan nagraha, amren lạṛhại phạdko jarwakotam, ente onko do abonko gherao esetʼ akatʼbona. Bạiriko do Israelren cakʼlaoicʼ ṭheṅgate johareko dal akadea.

Rak̕joṅ 3:45

Jạt jạtrenko talare ale do mạilạ ar jobra lekam hoyocoakatʼlea.

Jirimiạ 20:2

Uni do Jirimiạ nạbiye dalkedete Probhu Isorakʼ oṛakʼ sor reakʼ cetan ṭhạ̃ire Benjamin phaṭok duạr ṭhen haṛi paṭakateye dohokadea.

1 Rapajko 22:24

Unre Kenanren hopon Sedekiạ do sen sorente johare Mikại thapakedeteye metadea, “Probhu Isorren jiu am tulucʼ katha roṛ lạgitʼ iń ṭhen khon oḍok kate oka horteye senlena?”

Dosar Biboron 25:9

enḍekhan uniren hilit era do murubbiko samaṅrege erweltetʼ koṛa ṭhen sen sorkate uniyakʼ panaheye bojtaea ar mẽtʼãhãreye thoaea are mena, ‘dadattetʼakʼ bõs okoe rukhiyại bae men uni do nonkawaege ṭhika.’

Numeri 12:14

Probhu Isor do Moseye metadea, “Uniren apattetʼ uniyakʼ mẽtʼãhãreye thoae khan enḍekhan uni do cetʼ ona eae din lajao paṛare bae tahẽkokʼa? Uni do eae din ḍera bahrere dohokae hoyokʼa, ar ona tayom doe ruạṛ ạgu ocokʼa.”

Mathae 26:68

Adoko metadea, “E Mạsi, mase lạime, okoeye dalketʼmea?”