Mathae 26:65 - সান্তালী বাইবেল

⁶⁵ Khange maraṅ naeke do acʼakʼ kicricʼe oṛecʼketʼteye menkeda “Nui do Isore henosta akawadea. Gohako reakʼ do ar cetʼ jạruṛa bona? Ńitge coṅ ape hõpe ańjomketʼ, uni do Isore henostawae kana.

Santali Common Language New Testament

⁶⁵ Khange maraṅ naeke do acʼakʼ kicricʼ oṛecʼketʼteye menkeda “Nui do Isore opoman akadea. Gohako reakʼ ar cetʼ jạruṛabona? Ńitge coṅ ape hõpe ańjomketʼ, uni do Isore opomane kana.

Mathae 26:65 Referans Kwoze

Johan 10:36

Enḍekhan Baba okoeye sonot akade ar dhạrtiteye kolkede uni ińge tinreń metapekana ‘Iń doń Isorren Hopon kana,’ unre cekatepe meneda, ‘am do Isor upạrte henosta katham roṛeda?’

Johan 10:33

Mukhiyạkoko menkeda, “Bhage kạmi iạte tińme do bale meneda, menkhan Isor upạrte henosta reakʼ katham roṛetʼkan iạtege. Ente am do manwa hoekate hõ Isorem benaokʼkana.”

Mathae 9:3

Noa iạte sostor baḍaeko modre adom hoṛ do mone moneteko menkeda, “Nui hoṛ do Isore henostawae kana.”

Jirimiạ 36:24

Ar onko do okoehõ bako toraslena raj hõ baṅ ar uniren golamko modren tinạkʼko ańjomketʼ onko hõ baṅ. Ar akoakʼ kicricʼko hõ bako oṛecʼletʼtakoa.

Numeri 14:6

Ar okoeko hoṛ do disạm cikʼyạ lạgitʼko senlen onko modren Nun hopon Josuạ ar Jephun hopon Kaleb do ạkinakʼ kicricʼkin oṛecʼkeda ar Israelren goṭa dolren hoṛkin metatʼkoa, “Okaṭakʼ disạm cikʼyạ lạgitʼle senlen ona do ạḍi napae disạm kana.

Aposkạmi 14:14

Barnabas ar Pạul do ona kathakin ańjomketʼ khan ạkinakʼ kicricʼkin oṛecʼketʼte hoṛko ṭhenkin ńir calaoena ar ãṭ aṛaṅtekin menkeda,

Luk 5:21

Noate sostor baḍaeko ar Phạrusiko do mone monete hudisokʼko ehopʼena, “Nui hoṛ doe okoekante, Isore henostawae kana? Isor chaḍa ar okoe kại doe ikạ daṛeakʼa?”

2 Rapajko 18:37

Inạ tayom raj oṛakʼren mukhiyạko do Hiskiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa noko do akoakʼ kicricʼko oṛecʼketʼte Hiskiạ ṭhenko ruạṛ calaoena ar Rabsake cetʼkoe roṛketʼ ona jotowakʼko lạiyadea.