Mathae 26:52 - সান্তালী বাইবেল

⁵² Unre Jisui metadea, “Amakʼ tarwaṛe do khapre bhoraokakʼme. Ente tarwaṛe sasapʼko do jotoge tarwaṛeteko gujukʼa.

Santali Common Language New Testament

⁵² Unre Jisui metadea, “Amakʼ tarwaṛe do khapre bhoraokakʼme. Ente tarwaṛe sasapʼko jotoge tarwaṛeteko gujukʼa.

Mathae 26:52 Referans Kwoze

Johan sodor 13:10

Okoe kạidi hoyokʼ reakʼ katha menakʼtae uni do kạidiye hoyokʼa. Okoe tarwaṛeteye gogocʼ uni do tarwaṛetegeye khũn ocokʼa. Onate Isorren hoṛko do sombhuri ar pạtiạu reakʼ jạruṛ menakʼtakoa.

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Romiko lạgitʼ Pạul Apostolakʼ ciṭhi 12:19

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

1 Patras 3:9

Bạṛicʼ bodol okoe hõ bạṛicʼ alope hala ruạṛakoa se jãhãeko egerlepere alope eger ruạṛkoa, bickom bhorakope; ente bhor ńam lạgitʼge Isor doe hohoakatʼpea.

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

1 Thessalonikikko 5:15

Ńelpe, okoe hõ bạṛicʼ bodol bạṛicʼ do jãhãe aloe halawae ma. Ape do jaoge eṭakʼ sanamko lạgitʼ bhạlại reakʼ kurumuṭuipe.

Mathae 5:39

Menkhan ińiń metapekana, jãhãe ape tulucʼ bạṛicʼko beohar khan onko upạrte cetʼhõ alope cekaea; bickom jãhãe jojom johae thapame khan uni do leṅga joha hõ thapa ocoaeme.

Exodus 21:12

“Jãhãege mitʼṭen hoṛe dale ar ona iạte uni hoṛe gocʼlen khan tobe uni dadalicʼ hoṛ hõ khạṭigeye gocʼ ocokʼa.