Mathae 26:5 - সান্তালী বাইবেল

⁵ Menkhanko menkeda, “Porobre do babo onkaea; baṅkhan disạm hoṛko talare gulmal ehopʼ botejokʼa.”

Santali Common Language New Testament

⁵ Menkhanko menkeda, “Porobre do babo onkaea; baṅkhan disạm hoṛko talare gulmal ehopʼ botejokʼa.”

Mathae 26:5 Referans Kwoze

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

Mathae 21:26

Ar bon menle khan ‘manwa secʼ khon,’ enḍekhan ma gadel hoṛ bon botorakokan, ente sanamkoge Johan do mitʼṭen nạbi menteko manaoedea.”

Mathae 14:5

Herod do Johan gojeye menjoṅkan tahẽkana, menkhan uni do hoṛkoe botoratʼkoa, ente Johan do mitʼṭen nạbi menteko manaoede tahẽkana.

Mark 14:27

Ado Jisu acʼren celakoe metatʼkoa, “Jotokoge iń iạte monrepe tạkijokʼa. Sonot sostorre ol akana, ‘gupiyicʼ iń mageya, onate bhiḍiko doko chirchạturokʼa.’

Mark 14:12

Bin khạmiyanakʼ piṭhạ porob reakʼ pạhil hilokʼ do bańcaokʼ porob bhojre lạgitʼ bheḍa hoponko dãṛẽyetʼko tahẽkana. Onate celako do Jisuko kulikedea, “Bańcaokʼ porob reakʼ bhoj do okarele tearama mentem menjoṅ kana?”

Mark 14:2

Onkoko menkeda, “Porobre do baṅ; baṅkhan disạm hoṛko talare gulmal hoe botejokʼa.”

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Johan 18:28

Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.

Luk 22:7

Ado bin khạmiyanakʼ piṭhạ porob reakʼ dinre bańcaokʼ porob bhojre lạgitʼ bheḍa hoponko gocʼetʼko kan tahẽkana. Ado ona din seṭeren khan Jisu do Patras ar Johan noa menkateye kolkatʼkinạ, “Do senkate abo lạgitʼ bańcaokʼ porob reakʼ bhoj tearben, jemon bon jom daṛeakʼ.”

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Luk 20:6

Ar bon menle khan, ‘manwa secʼ khon,’ enḍekhan disạm hoṛko dhiriteko tińbona, ente Johan do nạbi kanae menteko khạṭi akawana.”

Aposkạmi 19:29

Ar goṭa nagraha do ạḍi usạrage ạulạu cabayena. Unre Gạius ar Aristarkhos ńutuman Makedoniạren okoekin hoṛ do Pạul sãotekin calakʼkan tahẽkan, hoṛko do unkinko sapʼketʼkinạ ar sanamkoge bạisiteko gad gadao boloyena.

Aposkạmi 21:38

Misor disạmren uni hoṛ okoe do thoṛa din lahare hulkate pon hajar ḍạkuko hahaṅkarteye idiletʼko am do cetʼ uni hoṛ dom baṅkana?”