Mathae 26:25 - সান্তালী বাইবেল

²⁵ Ado okoe bạirikoakʼ tire Jisui soprot ocoye lạgidokʼkan tahẽkan uni Jihudại menkeda, “E Guru, uni do cetʼ iń kạnạń?” Jisu do uniye metadea, “Am do ṭhikgem meneda.”

Santali Common Language New Testament

²⁵ Ado okoe bạirikoakʼ tire Jisui soprot ocoye lạgidokʼkan tahẽkan uni Jihudại menkeda, “Guru, uni do cetʼ iń kạnạń?” Jisu do uniye metadea, “Am do ṭhikgem meneda.”

Mathae 26:25 Referans Kwoze

Mathae 26:64

Jisu do uniye metadea, “Hẽ am do ṭhikgem menakada; enḍekhan arhõń metapekana, ńit khon Manwa Hopon do sanam daṛeanicʼ Isorakʼ jojomsa aṛere duṛupʼakan ar rimilte hijukʼkanpe ńelea.”

Mathae 27:11

Jisu do disạm cakʼlaoyicʼ Pilạt samaṅreko teṅgokedea. Unre Pilạt do Jisui kulikedea, “Am do cetʼ Jihudikoren raj kanam?” Jisui roṛ ruạṛkeda, “Am do ṭhikgem meneda.”

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriyakʼren kan uni do ińakʼ kathae ańjoma.”

Luk 22:70

Unre sanamkoko kulikedea, “Enḍekhan am do cetʼ Isorren Hopon kanam?” Uniye metatʼkoa, “Ape do ṭhikgepe meneda, iń doń uni kangea.”

Mathae 26:49

Onate Jihudạ do Jisu ṭhen hecʼkateye menkeda, “Johar Guru,” Ar noa menkateye cokʼadea.

Mathae 23:7

Onko do hạṭiạ bajarkore johar ocokʼ ar hoṛko ṭhen guru men ocokʼgeko kusikʼkana.

Kạhtukko 30:20

Noakangea laṭghaṭ maejiuakʼ colon do; uni do laṭghaṭ tayom ḍạbrạ saphakateye meneda, “Iń do cetʼ bạṛicʼ hõ bạń kạmi akada.”

2 Rapajko 5:25

Ona tayom uni do bhitrite senkate acʼren kisạ̃ṛ Elisae samaṅreye teṅgoyena. Elisae do uniye kulikedea, “Gehosi, am do okatem senlena?” Gehosiye menkeda, “Amren guti do okatehõ bacoń senlen.”

Mathae 23:8

“Ape do guru mente alope hoho ocokʼa, ente mitʼṭengeae aperen Guru do, ar ape do jotokogepe boeha kana.

Mathae 26:14

Unre gelbar celako modren Jihudạ Iskạriotko metae cela do maraṅ naekeko ṭhen senkateye metatʼkoa,

Johan 4:31

Ar inạ takre celako do nehõradeteko metadea, “E Guru, thoṛa jom maṛaṅlem.”