Mathae 26:24 - সান্তালী বাইবেল

²⁴ Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoykokʼtaea.”

Santali Common Language New Testament

²⁴ Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoekokʼtaea.”

Mathae 26:24 Referans Kwoze

Luk 24:46

“Ol menakʼa, Mạsi do duk jojom hoyokʼtaea ar pe din hilokʼre gocʼko khone jiwetʼ beredokʼa.

Mathae 18:7

Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

1 Korinthiko 15:3

Ente okaṭakʼ iń ńamakatʼ ona do sanam khon jạruṛanakʼ mente ape hõń em akawatʼpea; ona do hoyokʼ kana sonot sostor reakʼ katha leka Mạsi do aboakʼ kại gunạkʼteye gocʼlena,

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeyakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

Luk 22:22

Isor okae niṭ dohoakatʼ onkage Manwa Hopon do gujukʼ hoyokʼtaea; menkhan hae uni hoṛ lạgitʼ do, one okoe do uniye soprot ocoye!”

Mark 14:21

Manwa Hoponakʼ gujukʼ reaṅ sonot sostorre okaleka olakan onkage uni do gujukʼ hoyokʼtaea; menkhan hae uni hoṛ do, one okoe uniye sapʼ ocoyede! Uni hoṛakʼ janam do alo hoylen khange boge hoekokʼa.”

Mathae 26:54

Sostorre ma coṅ olge menakʼ, noako hoyokʼ do jạruṛgea.”

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Mark 9:12

Jisui roṛ ruạṛatʼkoa, “Noa katha do sạrikangea je, pạhilre Eliại hijukʼa ar sanamakʼ do lahate lekae teṅgo aroya. Menkhan Manwa Hopon reaṅ sonot sostorre cekate baṅ olakan, uni do ạḍi okocʼ duk jojom hoyokʼtaea ar hoṛko do uniko nihạ̃tea?

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Sereńko 55:15

Ińren bạiriko cetanre ackage moron baṛe hijukʼma; onko do jiwetʼtege patal puriteko calakʼma, ente oṛakʼ duạrre hõ onkoakʼ do bạṛicʼakʼ menakʼa.

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Johan 19:28

Inạ tayom sanamakʼ purạu akana menteye baḍaeketʼ khan sonot sostor reakʼ katha jemon purạukʼ onate Jisui menkeda, “Tetaṅedińa.”

Johan 19:24

Ona ńelte palṭonko do akoreko menjoṅana, “Noa do babon oṛeja bickom gulibãṭkate bon ńela okoeyakʼ hoyokʼa mente.” Noa do hoyena sonot sostor reakʼ katha jemon purạukʼ, Onko do ako talare ińakʼ kicricʼko hạṭińana, ińakʼ aṅgrop doko gulibãṭkeda. Ar palṭonko do sạrigeko onkakeda.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Mathae 26:31

Unre Jisui metatʼkoa, “Niạ ńindạ ape jotoge ińrepe tạkijokʼa. Sonot sostorre ol akana, ‘gupiyicʼ iń mageya, enḍekhan palren bhiḍikoko chirchạturokʼa.’