Mathae 25:46 - সান্তালী বাইবেল

⁴⁶ Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Santali Common Language New Testament

⁴⁶ Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Mathae 25:46 Referans Kwoze

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Johan 5:29

Okoe bhageakʼko kạmi akatʼ onko do jion ńam lạgitʼko beredokʼa, ar okoe bạṛicʼakʼ kạmikote okteko khemao akatʼ onko do sạjạiyokʼ lạgitʼgeko beredokʼa.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Romiko lạgitʼ Pạul Apostolakʼ ciṭhi 5:21

Ona daya do noa iạtege ḍherena jemon gujukʼ talate cetʼleka kại do raje calaoetʼ tahẽkan, onkage manwa hõ dhorom menteye aṅgocokʼte ńitokʼ uniyakʼ daya do rajokʼa: ar ona reakʼ jo do hoyokʼ kana aboren Probhu Jisu Mạsi hotete jaejug jion hameṭjoṅ.

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Aposkạmi 24:15

Onko cetʼlekako asokʼkan onkage iń hõ Isorre noa as menakʼtińạ je, dhorom ar bedhorom sanamkoge arhõko jiwetʼ beretʼ ocokʼa.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

Galathiko lạgitʼ Pạul Apostolakʼ ciṭhi 6:8

Okoe acʼakʼ jel lạgitʼe era; uni do jel khonakʼ maraoakʼgeye irạ. Menkhan sonot Jiu lạgitʼe er khan uni do jaejug jiongeye ir joṅa.

Luk 16:26

Ona chaḍa ape ar ale talare nonkan mitʼṭen maraṅ khạndṛuṅ dohoakana jemon jãhãege sanalere nonḍe khon paromkate ape ṭhen aloko calao daṛeakʼ ar onḍe khon paromkate ale ṭhen hõ aloko hecʼdaṛeakʼ.’

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Mathae 19:29

Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa.

Mathae 13:43

Unre dhorom hoṛ do akoren sermaren Babawakʼ rajre siń cando lekako jhak jhakaokʼa. Ańjom lạgitʼ lutur menakʼtaeicʼ hoṛ doe ańjomma.

Jihudạwakʼ ciṭhi 1:21

Aboren Probhu Jisu Mạsiyakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.

Mathae 19:16

Ar ńelpe, mitʼṭen juạn koṛa do hecʼkate Jisui metadea, “E Guru, jaejug jion ńam lạgitʼ bhageakʼ cetʼko cekae hoyokʼtińạ?”

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼge bape nonkawade, unạkʼge iń hõ bape onkawạdińa.’ ”

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 13:48

Noa katha ańjomkate boṅgan hoṛ jạtrenko doko rạskạyena ar Probhu Isorakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.