Mathae 25:35 - সান্তালী বাইবেল

³⁵ Ente reṅgecʼ iń tahẽkanre jomakʼpe emadiń tahẽkana; tetaṅ ledińa arpe ńũ ocoledińa; upriạń tahẽkana arpe ataṅ sãohãledińa;

Santali Common Language New Testament

³⁵ Ente reṅgecʼiń tahẽkanre jomakʼpe emadiń tahẽkana; tetaṅ ledińa arpe ńũ ocoledińa; upriạń tahẽkana arpe ataṅ sãohãledińa;

Mathae 25:35 Referans Kwoze

Jeheskel 18:7

ar okoehõ bae santaoetʼko bickom rin akatʼ hoṛ do bondhoke ruạṛkatae kan, ar bae kombṛoyetʼkan, menkhan reṅgecʼ hoṛko jomakʼe emakokan ar laṅgaṭkoe kicricʼetʼko,

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Romiko lạgitʼ Pạul Apostolakʼ ciṭhi 12:13

Isorren hoṛko reṅgejokʼ oktere goṛowakope. Ar peṛakʼ gun dohojoṅpe.

Jobakʼ 31:32

Jãhãe bidisiạ hoṛ hõ horre do bako tahẽ aṅga akana, ente hortenko lạgitʼ ińakʼ duạr do jao okte jhicʼge tahẽkana.

Romiko lạgitʼ Pạul Apostolakʼ ciṭhi 12:20

Sostor reakʼ katha leka, “Amren bạiri reṅgecʼlere jomakʼ emaeme; ar tetaṅlere ńũiyakʼ emaeme. Entem nonkale khan am do uniyakʼ bohokʼre seṅgel aṅgram puńjiaea.”

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Philimon 1:7

E boeha, amakʼ dulạṛ ńelte iń do ạḍiń rạskạkʼ kana ar udgạuiń ńamakada, ente am do Isorren hoṛkoakʼ ontorre nãwãte udgạu monem sagen ocoakada.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

Ephesiko lạgitʼ Pạul Apostolakʼ ciṭhi 4:28

Kombṛoyicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

Romiko lạgitʼ Pạul Apostolakʼ ciṭhi 16:23

Ar iń okoeyakʼ oṛakʼreń tahenkan ar manḍerren hoṛko okoeyakʼ oṛakʼrele jarwa midokʼkan, uni Gaius hõ apekoe joharape kana. Noa nagrahare ṭaka-poesa hisạb dohoy reakʼ bhar okoe cetanre menakʼ uni Erastus ar aboren boeha Kuartus hõ apekin joharape kana.

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Aposkạmi 11:29

Unre celako doko goṭakeda, Jihudạ disạmren biswạsi boehako goṛowako lạgitʼ apan ạpin daṛe leka onko do jemon ṭakako kol. Arko onkaletʼgea.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

Aposkạmi 4:32

Mạsire pạtiạu akan sanamkoge mon ar jiwite mitʼko tahẽkana. Onko do okaṭakʼge apnarakʼ kana mente bako dạbiyetʼkan tahẽkana, bickom sanamakʼge apan ạpin jạruṛakokan lekako beoharetʼ tahẽkana.

Johan 13:29

Adomko doko bujhạukeda, porobre lạgitʼ jạruṛokʼakʼko kiriń ạgui se reṅgecʼ orecʼko jãhãnakʼ emako lạgitʼ Jisu do Jihudại metadea, ente ṭaka reakʼ baksa do Jihudạ ṭhenge tahẽkana.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Mark 14:7

Reṅgecʼ orecʼko ma jaoge ape sãore menakʼko, ar tinrepe monejoṅ unregepe goṛo daṛeakoa, menkhan iń do jao ghuṛi bape ńameńa.

Mathae 26:11

Ente reṅgecʼ orecʼkoma jaoge ape tulucʼ menakʼko, menkhan iń do jao okte bape ńameńa.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Kạhtukko 25:21

Amren bạiri reṅgecʼlere jomakʼ emaeme, ar tetaṅlere ńũiyakʼ emaeme;

Kạhtukko 22:9

Danetʼkan hoṛ okoe do acʼakʼ jomakʼ reakʼ bhag khon reṅgecʼ orecʼkoe emako kan uni do bhore ńama.

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Kạhtukko 14:21

Okoe acʼ aḍepaseren hoṛkoe nihạ̃tko uni doe kạiyeda, menkhan okoe reṅgecʼkoe dawawako kan uni doe bhạgangea.

1 Rapajko 17:11

Maejiu do tinreye calakʼkan tahẽkana unre arhõ hohoadeteye metadea, “Dayakate iń lạgitʼ mitʼ kecakʼ piṭhạ hõ ạgu daraeme.”