Mathae 25:21 - সান্তালী বাইবেল

²¹ Ńelme, iń do arhõ mõṛẽ hajar ṭakań lab akada.’ Unre acʼren kisạ̃ṛe menkeda, ‘bes akadam. E bhage ar pạtiạr golam. Am do thoṛawakʼre pạtiạrem tahẽkante ḍher okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

Santali Common Language New Testament

²¹ Ńelme, iń do arhõ mõṛẽ hajar ṭakań lab akada.’ Unre acʼren kisạ̃ṛe menkeda, ‘bes akadam. E bhage ar pạtiạr golam. Am do thoṛawakʼre pạtiạrem tahẽkante ḍher okocʼakʼko cetanreń dohokama. Ar dela hijukʼte iń sãote rạskạ seledokʼme.’

Mathae 25:21 Referans Kwoze

Mathae 25:23

Unre uniren kisạ̃ṛ doe menkeda, ‘bes akadam, E bhage ar pạtiạr golam. Am do thoṛawakʼre pạtiạrem tahẽkante ạḍi okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

Luk 16:10

Thoṛa utạrakʼkore pạtiạricʼ do ḍher okocʼakʼkore hõe pạtiạrgea. Okoe thoṛa utạrakʼkore pạtiạricʼe baṅkan, uni do ḍher okocʼakʼkore hõ ohogeye pạtiạu ocolena.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

2Timothi 2:12

Sombhurikate bon sahao daṛeakʼ khan, enḍekhan uni tulucʼ raj hõ bon calaoa. Ar uni bon baṅle khan, enḍekhan uni hõ aboe baṅbona.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Johan 14:3

Ar senkate ape lạgitʼ jaegań benaole khan arhõń ruạṛ hijukʼa ar iń ṭheniń ataṅ idipea, jemon iń okareń tahen ape hõ onḍepe tahen.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Mathae 24:45

“Uni pạtiạricʼ ar budanicʼ guti doe okoe kana, one okoe acʼren kisạ̃ṛ do guti ar kạ̃ṛmĩko okte nạpitre jomakʼ emakoa mente acʼ gharońjrenko cetanreye dohokede?

Philipiko lạgitʼ Pạul apostolakʼ ciṭhi 1:23

Banarge iń doe oreń kana. Iń do gujukʼte Mạsi tulucʼ tahen sanań kana, ente ona do artetʼge bhagea.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”

Romiko lạgitʼ Pạul Apostolakʼ ciṭhi 2:29

Menkhan ontorte okoe doe Jihudikan uni kangeae khạṭi Jihudi. Ar khạṭigeye khatna akan reakʼ kạmi hõ ontorrege hoyokʼa. Ona do sonot Jiu reakʼakʼko kana, olakʼ ạnko pańjae reakʼ do baṅkana. Nonkan hoṛ do manwa secʼ khon sarhao do bako ńama, menkhan Isor secʼ khon sarhao doko ńamgea.

Luk 12:44

Sạrigeń metapekana, uni kisạ̃ṛ do acʼakʼ sanam menakʼtaeakʼko cetanre sordare dohokaea.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Mathae 24:47

Sạrigeń metapekana, unige acʼakʼ menakʼtaeakʼ sanamakʼko cetanreye dohoyea.

Johan sodor 21:7

Ar okoeye jitạukʼa uni do noakoe ạidạri joṅa. Ińge uniren Isoriń hoyokʼa ar uni do ińren gidrại hoyokʼa.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

2 Korinthiko 10:18

ente apnarte sarhaokʼicʼ do okoe hõ bhage mente bae sạbudokʼa, bickom Probhu Isor okoeye sarhaoe unige bhage menteye sạbudokʼa.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

2 Korinthiko 5:9

Onate hoṛmo oṛakʼre bon tahen ar babon tahen, aboakʼ kurumuṭu do hoyokʼ kana Probhu Isore kusi ocoyege.

Kạhtukko 14:35

Okoe ạkil salakʼe kạmi raj do uniye bạsutaea, menkhan okoe kạmiạyicʼ do lajao paṛaoakʼe kạmi uni do uniren edreyanicʼe hoyokʼa.

Kạhtukko 28:20

Pạtiạran hoṛ do ḍher bhore ńama, menkhan okoe kisạ̃ṛokʼ lạgitʼe ahkaokʼkan uni do sạjạiye ńama.

1Timothi 3:13

Okoe sapʼdapʼicʼ bhageye kạmikan uni do manote ńama ar Jisu Mạsire pạtiạu iạte uniyakʼ ontor do dilte perejokʼtaea.