Mathae 23:9 - সান্তালী বাইবেল

⁹ Dhạrtire aperen baba mente okoe hõ alope metakoa, ente mitʼ goṭengeae aperen baba do, uni sermare menayicʼge.

Santali Common Language New Testament

⁹ Dhạrtire aperen baba mente okoe hõ alope metakoa, ente mitʼ goṭengeae aperen baba do, uni sermare menayicʼge.

Mathae 23:9 Referans Kwoze

1 Johan 3:1

Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

Ibriko 12:9

Ona chaḍa bon ńelakada, dhạrtiren babako do aboko ḍanṭaoetʼbon tahẽkana ar abo do onko bon manotetʼko tahẽkana. Enḍekhan okoe do sanam jiukoren Baba kane unire gobol tahen do cetʼ artetʼge lek baṅkan tabona, jemon jion bon ńam?

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Mathae 7:11

Apepe bạṛicʼgere hõ aperen gidrạko bhage bhage jinisko emakope baḍaekan khan, enḍekhan sermare menae aperen Baba do tinạkʼ artetʼ acʼ koeye kanko bhageakʼkoe emakoa!

1 Korinthiko 4:15

Mạsi reaṅ cetʼape lạgitʼ aperen do gel hajar gurukoko tahẽdaṛeakʼa; menkhan aema baba do bạnukʼkotapea; ińge bhage sombat hotete Mạsiyakʼ jionre aperen Babań hoyakana.

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

Aposkạmi 22:1

“E boehako ar Babako, ńitokʼ iń do apnarteń roṛ dogokʼkana, ańjomtińpe baṛe.”

2 Rapajko 2:12

Elisae do ona ńelte ãṭ aṛaṅteye menkeda, “E ińren ạpuń, E ińren ạpuń, ńelme, Israelakʼ rãt gạḍi ar aswariko.” Inạ tayom Elisae do ar bae ńel ńamledea. Unre uni do acʼakʼ kicricʼe or cirạketʼtaea.

Mathae 6:32

ona chaḍa aperen sermaren Baba doe baḍaegea noako sanamakʼ reakʼ jạruṛ menakʼtapea mente.

2 Rapajko 13:14

Inạ lahare Elisae doe ruạ kạhil akan tahẽkana ar ona kạhilrege uni doe gocʼena. Uni gujukʼ lahare Israelren raj Jehoas do uni ńeńele senlena ar rakʼ rakʼteye menleda, “E ińren ạpuń, E ińren ạpuń, rãt gạḍiko ar aswariko leka am do Israelren rurukhiyạyicʼ kanam.”

2 Rapajko 6:21

Israelren raj do onko ńelte Elisaeye metadea, “E baba, onko do cetʼ iń gocʼkoa?”

Mathae 23:10

Ạyurko hõ alope ńum ocokʼa, ente aperen ạyuricʼ doe mitʼ goṭengea, uni do Mạsige.