Mathae 23:15 - সান্তালী বাইবেল

¹⁵ “Hae, ape sostor baḍaeko, Phạrusiko ar phạsiạrako do! Eken mitʼ hoṛ apeakʼ dhoromre ạguiye lạgitʼ dhạrti reakʼ oka jaegare bape dãṛãn kana. Ar aperen celae hoylenre uni do ape khon hõ bạ̃ṛti norokre khadlekʼ lekpe hoeocoyedea.

Santali Common Language New Testament

¹⁵ “Hae, ape sostor baḍaeko, Phạrusiko ar phạsiạrako do! Eken mitʼ hoṛ apeakʼ dhoromre ạguye lạgitʼ dhạrti reakʼ oka jaegare bape dãṛãn kana. Ar aperen celae hoelenre uni do ape khon hõ bạ̃ṛti norokre khadlekʼ lekpe hoeocoyede kana.

Mathae 23:15 Referans Kwoze

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼkan tahẽkan ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.

Aposkạmi 13:43

Ar sunạgog khonko calao baṛayen khan ạḍi utạr Jihudiko ar Jihudi dhoromre pạtiạu akan Isor botoraekanko do Pạul ar Barnabas tạkinko pańjaketʼkinạ. Unre Pạul ar Barnabas do onkokin galmaraoatʼkoa, ar Isorakʼ dayare jemon khạtirko tahen ona lạgitʼkin udgạuketʼkoa.

Aposkạmi 13:10

“Am do Soetanren hopon ar joto bhageakʼren bạiri kanam. Amre do joto lekan phạsiara ar bedhoromge menakʼa. Probhu Isorakʼ sojhe horko konḍeae do cetʼ bam bạgiya?

Aposkạmi 14:2

Menkhan okoeko Jihudi bako pạtiạulen onko do boṅgan hoṛ jạtrenkoko uskurketʼkote biswạsi boehako upạrte onkoakʼ monko bạṛicʼketʼtakoa.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Galathiko lạgitʼ Pạul Apostolakʼ ciṭhi 6:12

Okoe hoṛmo bahre secʼ bhage udugokʼko menjoṅkan onkoge khatnakʼ lạgitʼko jormoṭetʼpea. Mạsiyakʼ kurus iạte jemon aloko khed ocokʼ onate onko do nonkako kạmiyeda.

Galathiko lạgitʼ Pạul Apostolakʼ ciṭhi 4:17

Onko eṭakʼ hoṛ do ape lạgitʼko ãṭokʼkana, menkhan bhage monsubạ iạte do baṅ. Onko do iń khon ạcur ruạṛpeko khojkana, jemon onko lạgitʼpe ãṭokʼ.

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Aposkạmi 17:13

Thessalonikiạren Jihudiko do Pạul Beroeare Isorakʼ kathae porcareda menteko ańjomketʼ khan onko do onḍeko calaoena ar onḍenko hoṛko ạulạuketʼkote gulmalko hoyocokeda.

Aposkạmi 14:19

Ado Antiokiạ ar Ikonium khon adom Jihudiko hecʼkate Pạul ar Barnabas upạrte hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

Aposkạmi 2:10

Phrugiạ ar Pamphuliạren, Misor ar Kurene senakʼ Lubiạ reakʼ adom jaegaren hoṛko, ar Rom nagrahare upriạ Jihudiko ar Jihudi dhoromreko pạtiạu akan boṅgan hoṛ jạtrenko,

Aposkạmi 6:5

Ado dolren sanamkoge noa katha do mońjko metatʼa. Onko do biswạs ar sonot Jiute perecʼ akan Stephanko bachaokedea. Ona chaḍa Philip, Prokhorus, Nikanor, Timon, Parmenas ar Antiokiạren Nikolasko bachaokedea. Nui Nikolas do boṅgan hoṛ jạtrene tahẽkanre hõ Jihudi dhorome pańjayetʼkan tahẽkana.

Ester 8:17

Joto tabe disạm ar nagrahakore okare rajakʼ hukum seṭeren onḍenko Jihudiko do hulạsateko porobena. Ar eṭakʼ eṭakʼ jạtren ḍher hoṛ doko Jihudiyena, ente onko do Jihudiko ạḍiko botoratʼkoa.

Mathae 5:29

Amakʼ jojom mẽtʼe kại ocome khan ona do hoṭor oḍokkakʼme. Amakʼ goṭa hoṛmo norokre khadlekʼ khon ona mitʼ hạṭiń bạṛicʼ ocoakʼge am lạgitʼ bhagea.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.