Mathae 21:1 - সান্তালী বাইবেল

¹ Jisu ar uniren celako do Jerusalem sor Jạitun buru ṭhenakʼ Bethaphage ato ṭhenko seṭerena. Unre Jisu do barea cela noa menkateye kolketʼkinạ,

Santali Common Language New Testament

¹ Jisu ar uniren celako do Jerusalem sor Jạitun buru ṭhenakʼ Bethaphage ato ṭhenko seṭerena. Unre Jisu do barea cela noa menkateye kolketʼkinạ,

Mathae 21:1 Referans Kwoze

Sakariạ 14:4

Enhilokʼ uni do hecʼkate Jerusalem purub secʼ reakʼ jạitun buru cetanreye teṅgona; onate jạitun buru do purub secʼ khon pạchim hạbicʼ paṛagokʼa ar adha do utạr secʼ ar adha do dạkhin secʼ ocogokʼte mitʼṭecʼ maraṅ buru nalage benaokʼa.

Johan 8:1

Inạ tayom hoṛko do apan ạpin oṛakʼteko sen baṛayena, menkhan Jisu do Jạitun buruteye rakapʼ calaoena.

Luk 21:37

Onako dinre Jisu do dinạmge mundilreye cetʼakokan tahẽkana, menkhan ńindạ do bahrete senkate Jạitun burureye tahenkan tahẽkana.

Mathae 26:30

Ado mitʼṭecʼ sarhao sereńate onko doko oḍokente Jạitun buruteko rakapʼena.

Mathae 24:3

Jisu Jạitun burureye duṛupʼ akan tahẽkanre celako do uni ṭhen hecʼkate hape hapeteko metadea, “Lạiyaleme, noako do tis hoyokʼa ar oka lekan cinhạko hotetele bujhạu daṛeakʼa amakʼ hijukʼ ar jug mucạdokʼ reakʼ okte do seṭer akana mente?”

Aposkạmi 1:12

Unre celako do jạitun buru khon Jerusalemteko ruạṛ hecʼena. Jerusalem nagraha khon noa buru do mitʼ kilomiṭar saṅgińre tahẽkana.

Luk 22:39

Ado Jisu ona jaegae bạgi oṭowatʼte acʼakʼ cạli leka Jạitun buruteye rakapʼena. Ar acʼren celako hõ uniko pańjakedea.

Mark 14:26

Ona tayom onko do mitʼṭecʼ sarhao sereńateko oḍokena ar jạitun buruteko rakapʼena.

Mathae 20:34

Unre Jisu do mãyã hecʼadea ar unkinakʼ mẽtʼe joṭetʼketʼtạkina, ar unrege unkin do ńeńelkin ehopʼena, ar unikin pańjakedea.

Mathae 21:2

“Aben do samaṅ reakʼ atote calakʼ ben. Ar onḍe ben senlen khange hopon salakʼ mitʼṭen gadha eṅga tolakade ben ńamea. Ar unkin raṛakate iń ṭhen ben ạgukinạ.

Mark 13:3

Jisu do mundil samaṅ senakʼ Joitun burureye duṛupʼ akan tahẽkanre Patras, Jakob, Johan ar Andreasteko do hape hapete hecʼkate uniko kulikedea,