Mathae 20:22 - সান্তালী বাইবেল

²² Jisui menkeda, “Ape cetʼpe khojkan ona do bape baḍaea. Okaṭakʼ bạṭi reakʼ iń ńũi lạgidokʼkan, ona reakʼ do cetʼ ben ńu daṛeakʼgea?” Metadeakin, “Daṛeakʼ gealiń.”

Santali Common Language New Testament

²² Jisui menkeda, “Ape cetʼpe khojkan ona do bape baḍaea. Okaṭakʼ bạṭi reakʼ iń ńũi lạgidokʼkan, ona reakʼ do cetʼ ben ńu daṛeakʼgea?” Metadeakin, “Daṛeakʼ gealiń.”

Mathae 20:22 Referans Kwoze

Luk 22:42

“E Baba, amem moneyakʼkan khan, noa duk reakʼ bạṭi do iń khon pharakme baṛe. Enhõ ińakʼ monejoṅ leka do baṅ, menkhan amakʼ sana lekage hoyokʼma.”

Mathae 26:42

Uni do ruạṛ senkate dosar dhao koeketʼteye menkeda, “E Baba, noa bạṭi iń ṭhen khon baṅ ocogokʼ khan begor onań ńũite, enḍekhan amakʼ sana lekage baṛe hoyokʼma.”

Johan 18:11

Noa iạte Jisu do Patrase metadea, “Tarwaṛe do khapre bhoraokakʼme. Baba oka duk reakʼ bạṭiye emakawạdiń ona do cetʼ bạń ataṅa?”

Mark 14:36

Uni doe menkeda, “Abba, E Baba, am ṭhen do sanamakʼge hoedaṛeakʼa. Noa duk reakʼ bạṭi iń khon ocogme baṛe. Enhõ ińakʼ sana leka do baṅa menkhan amakʼ sanage purạukʼ ma.”

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sana lekage baṛe hoyokʼma.”

Romiko lạgitʼ Pạul Apostolakʼ ciṭhi 8:26

Noa chaḍa aboakʼ nijortetʼre sonot Jiu doe goṛo abon kana. Ar cetʼ leka koejoṅ lek tabon ona do babon baḍaekana, menkhan oka roṛte baṅ sodorokʼ onkan kũhrạu tulucʼ sonot Jiu do acʼge abo lạgitʼe nehõrokʼ kana.

Jesaea 51:22

Amren Probhu, amren Isor, okoe do acʼren hoṛko secʼ menae uni do noa kathae meneda, “Ńelme, am oka bạṭi reakʼ ńũkatem konḍe manḍekʼ kan tahẽkan ona do amakʼ ti khoniń hatao akada; ińakʼ edre reakʼ ona bạṭi khon do ar tishõ bam ńũiya.

Jakob 4:3

Ape dope koeyetʼkanre hõ bape ńameda, ente bạṛicʼ monsubạ iạtepe koeyeda, jemon apeakʼ rij roṅ purạukʼtape.

Luk 12:50

Iń do mitʼṭecʼ bạptisma ataṅ hoyokʼtińạ ar ona ạuri purạukʼ hạbicʼ ińakʼ duk do baṅ cabakʼtińạ.

Jirimiạ 49:12

Probhu Isore meneda, “Okoe sạjại ńam reakʼ lekko baṅkan, ar sạjại reakʼ bạṭire ńũnũige lagaoae enḍekhan cedakʼ begor sạjạite dom tahena? Am do ona bạṭire ńũkate sạjại jojom hoyokʼtama.

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

Sereńko 75:3

Dhạrti ar onare tahenkan sanamkoko cabalenre, ińge ona reakʼ khunṭiko doń ṭikạu dohoya. (Sela)

Mathae 26:35

Patrase menkeda, “Am saõte gujukʼ hoyokʼtińre hõ iń do ohogeń baṅlema.” Ar eṭakʼ celako hõ onka lekako menkeda.

Jesaea 51:17

E Jerusalem, ebhenokʼme, beredokʼme; ar teṅgonme. Ente am do Probhu Isorakʼ ti khon uniyakʼ edreteakʼ bạṭi khonem ńũ akada; okaṭakʼ bạṭi khon manwa do ńũkateko konḍe manḍekʼ ona bạṭi reakʼ do amgem ńũ ańjetʼakada.