Mathae 18:8 - সান্তালী বাইবেল

⁸ “Amakʼ ti se jaṅga kại horteye idime khan ona do samakʼ giḍikakʼme. Banar ti ar banar jaṅga tahen tulucʼ jaejug seṅgelrem khadle ocokʼ khon ṭhunṭạ se leḍhage jionrem bolokʼge am lạgitʼ bogea.

Santali Common Language New Testament

⁸ “Amakʼ ti se jaṅga kại horteye idime khan ona do samakʼ giḍikakʼme. Banar ti ar banar jaṅga tahen tulucʼ jaejug seṅgelrem khadle ocokʼ khon ṭhunṭạ se leḍhage jionrem bolokʼge am lạgitʼ bogea.

Mathae 18:8 Referans Kwoze

Romiko lạgitʼ Pạul Apostolakʼ ciṭhi 13:12

Ńindạ do caba hecʼena, aṅgakʼ lạgidokʼ kana; onate dela, ńut reakʼ kạmi bạgikate marsal reakʼ khanḍa banḍa bon horokʼ joṅma.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Jeheskel 18:31

Apeakʼ sanam ghạṭko ape khoniń sạṅgiń giḍikatapea ar apeakʼ mon ar ontor do nãwãte benao rakabtape. Cedakʼpe gujukʼa?

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Luk 14:33

Ado mucạtʼre Jisui menkeda, “Onkage apeko modre jãhãe begor hudis cintạte acʼakʼ jotowakʼko bae bạgi oṭowakʼ khan, uni do ińren cela ohogeye hoydaṛelena.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Luk 16:24

Unre uni do ãṭ aṛaṅte hohowateye menkeda, ‘E baba Abraham, dayawạńme baṛe. Ar Lasar iń ṭhen kolkaeme jemon uni do acʼakʼ coṭ kạṭupʼ dakʼre topokate ińakʼ alaṅe reaṛkạtiń. Ente noa jolokʼ seṅgelreń jal jalaokʼ kana.’

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Mathae 17:27

Menkhan alaṅ iạte jemon khajna uṭhạuko aloko tạkijokʼ onate doreãote calakʼme ar bạ̃ṛsi caḍoyme, ar pạhilre okoeṭakʼ hakom rakabe unim or cahapʼle khan mitʼṭecʼ rupạ reakʼ ṭakam ńama. Ar ona hataokate iń ar am ńutumte khajna em oṭokakʼme.”