Mathae 15:22 - সান্তালী বাইবেল

²² Ar ńelpe, Kananren mitʼṭen maejiu do oḍok hecʼkate hohoateye menkeda, “E Probhu, Dạudren Hopon, mãyãwạńme baṛe, ente hoponerań do bạṛicʼ jiue capaṛ akawadete ạḍitetʼe sasetokʼ kana.”

Santali Common Language New Testament

²² Ar ńelpe, Kananren mitʼṭen maejiu do oḍok hecʼkate hohoateye menkeda, “E Probhu, Dạudren Hopon, mãyãwạńme baṛe, ente hoponerań do bạṛicʼ jiue capaṛ akawadete ạḍitetʼe sasetokʼ kana.”

Mathae 15:22 Referans Kwoze

Mathae 9:27

Ado Jisu onḍe khone calakʼkan tahẽkan jokhecʼ barea kãṛã hoṛ do unikin pańjakedea. Ar ãṭ aṛaṅte hohoatekin menkeda, “E Dạudren Hopon, mãyãwạlińme.”

Mathae 17:15

“E Probhu hoponiń baṛe mãyãwaeme. Uni do mirgi rogte ạḍiye sasetokʼkana. Ente ghane uni do seṅgelre ar ghane do dakʼreye bhindạṛokʼa.

Sereńko 4:1

E ińren Isor, amakʼ sana lekań calakʼkan ona dom udukʼ akawạdińa; ar amiń hohowamre roṛ ruạṛạńme baṛe. Iń do muhinteń esetʼ akana, menkhan am do sahẽtʼ reakʼ bhạgem emakawạdińạ. Dayawạńme, ar ińakʼ koejoṅ baṛe ańjomtińme.

Luk 18:13

Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’

Luk 17:13

Onko do sạṅgińre teṅgokate hohowateko menkeda, “Jisu, Probhu, mãyãwaleme.”

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Mathae 1:1

Jisu Mạsi do Dạudakʼ bõsren ar Dạud do Abraham bõsren hoṛe tahekana. Jisu Mạsiyakʼ bõsbudạ do nonkaleka.

Jeheskel 3:6

Okoekoakʼ katha bam bujhạu onkan ạnạṛi ar kuṭhin pạrsi roroṛ ḍher jạtrenko ṭhen do bam kol ocokʼkana. Onko ṭheniń kollem khan khạṭige onko do amakʼ kathako ańjomkea.

Sereńko 45:12

Tur nagraharen hoponerako do sandesko ạgu daraya; ar ạḍi kisạ̃ṛ hoṛko do amakʼ dayako khoja.

Sereńko 6:2

E Probhu Isor, dayawạńme, enteń nijorgea. E Probhu Isor, bogeyińme, ente ińakʼ jaṅko do botorte thar tharaokʼ kantińạ,

Mathae 15:23

Menkhan Jisu do cetʼge bae roṛ ruạṛadea. Unre celako do hecʼkate nehõradeteko metadea, “Uni do bidạkaeme, ente abo tayomteye hoho ạguiyeda.”

Luk 6:18

Onko do uniyakʼ katha ańjomtae ar rog khon boge ocokʼ lạgitʼko hecʼakan tahẽkana. Ar tinạkʼ do bạṛicʼ jiu hotete kosṭoko ńametʼ tahẽkan onko hõko bogekʼkan tahẽkana.