Mathae 15:1 - সান্তালী বাইবেল

¹ Unre Jerusalem khon adom Phạrusiko ar sostor baḍaeko do Jisu ṭhen hecʼkateko menkeda,

Santali Common Language New Testament

¹ Unre Jerusalem khon adom Phạrusiko ar sostor baḍaeko do Jisu ṭhen hecʼkateko menkeda,

Mathae 15:1 Referans Kwoze

Aposkạmi 23:9

Unre maraṅ gulmal hoyena ar Phạrusi dolren adom sostor baḍaeko doko teṅgoyente ạḍiko rapṭa rạpṭiyena. Onkoko menkeda, “Ale do nui hoṛakʼ jãhãn dosge bale ńametʼtaea. Hoedaṛeakʼa jãhãn jiu se sermaren goḍet do uni sãoteye galmarao akada.”

Luk 5:30

Unre Phạrusiko ar sostor baḍaeko doko karacʼ kurucʼente Jisuren celakoko metatʼkoa, “Mạsul uṭhạuko ar bạṛicʼ hoṛko tulucʼ do cedakʼpe jom ńũiyeda?”

Luk 5:21

Noate sostor baḍaeko ar Phạrusiko do mone monete hudisokʼko ehopʼena, “Nui hoṛ doe okoekante, Isore henostawae kana? Isor chaḍa ar okoe kại doe ikạ daṛeakʼa?”

Luk 5:17

Mitʼ din Jisu do hoṛkoe cetʼakokan tahẽkanre Phạrusiko ar sostor baḍaeko hõ onḍeko duṛupʼ akan tahẽkana. Noko do Gạlil ar Jihudạ reakʼ atoko ar Jerusalem nagraha khonko hecʼakan tahẽkana. Ar rugiko bogeko reakʼ Probhu Isorakʼ daṛe do Jisure tahẽkana.

Mark 3:22

Ar Jerusalem khonko hecʼakan tahẽkan sostor baḍaeko doko menkeda, “Unire do Beelsebul menaea. Uni do bạṛicʼ jiuren raj hotete bạṛicʼ jiukoe oḍok giḍiyetʼkoa.”

Mathae 23:2

“Sostor baḍaeko ar Phạrusiko do ạn-ạriko cecetʼakʼ babotre Moseyakʼ jaegaregeko duṛupʼ akana.

Mathae 5:20

Ińiń metapekana, apeakʼ dhorom do Phạrusiko ar sostor baḍaeko khon baṅ soroslentape khan ape do serma rajre ohogepe bolo daṛelena.

Johan 1:19

Jihudi mukhiyạko do Jerusalem nagraha khon naekeko ar Liwiko Johan ṭhenko kolketʼko khan Johan do onko ṭhen gohae emkeda. Onko doko kulikedea, “Am dom okoe kana?”

Aposkạmi 25:7

Ar okoe Jihudiko Jerusalem khonko hecʼakan tahẽkan onko do Pạul onḍeye hecʼen khan uni beṛhaeteko teṅgo ạcurena ar ạḍi okocʼko dusikedea, menkhan onako reakʼ jãhãn porman do bako em daṛeada.