Mathae 14:20 - সান্তালী বাইবেল

²⁰ Ado jom tayom okako kecakʼ hạricʼ pạsir ńur tahẽyen ona halaṅkate celako do gelbar phạtiạkʼko perecʼkeda.

Santali Common Language New Testament

²⁰ Ado jom tayom okako kecakʼ hạricʼ pạsir ńur tahẽyen ona halaṅkate celako do gelbar phạtiạkʼko perecʼkeda.

Mathae 14:20 Referans Kwoze

Exodus 16:12

“Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Exodus 16:8

Mose do arhõe menkeda, “Ạyupʼ jokhecʼ Probhu Isor do tinre jele emapea ar setakʼre piṭhạ unrepe bujhạu daṛeakʼa, Probhu Isorge Misor disạm khone oḍok ạguakatʼpea. Uni upạrte tinạkʼ kathape roṛakatʼ uni do jotogeye ańjom akada. Ar ạliń doliń celekana? Noako katha do ạliń upạrte do baṅ, menkhan Probhu Isor upạrtegepe roṛakada.”

Luk 9:17

Ar sanam hoṛko jomkeda arko biyena. Ar okako kecakʼ hiricʼ pạsir ńur tahẽkan onate celako do gelbar phạtiạkʼko halaṅ jarwakeda.

Luk 1:53

Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Levitikus 26:26

Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Johan 6:7

Philip do Jisui metadea, “Onko mimitʼ hoṛ jauḍicʼkateko ńamlere hõ bar sae Dinar reakʼ piṭhạte ohoko anṭaolena.”

Mathae 15:33

Ado celakoko metadea, “Noa nisun jaegare nunạkʼ hoṛ jom bi ocoko lạgitʼ piṭhạ do okare bon ńamkea?”

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Kạhtukko 13:25

Isor botorae hoṛko do lacʼ bikʼko joma, menkhan bedhoromko do lacʼ bikʼ jom bako ńama.

Mathae 14:21

Ar tinạkʼko jomketʼ onko modre maejiu ar kạṭicʼ gidrạ chaḍa mõṛẽ hajar herel hoponko tahẽkana.