Mathae 13:44 - সান্তালী বাইবেল

⁴⁴ “Serma raj do goḍare topa oko akatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Santali Common Language New Testament

⁴⁴ “Serma raj do goḍare topa okoakatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Mathae 13:44 Referans Kwoze

Kolossiko lạgitʼ Pạul Apostolakʼ ciṭhi 2:3

Mạsirege sanam lekan bud ar akelko do oko menakʼa.

Luk 14:33

Ado mucạtʼre Jisui menkeda, “Onkage apeko modre jãhãe begor hudis cintạte acʼakʼ jotowakʼko bae bạgi oṭowakʼ khan, uni do ińren cela ohogeye hoydaṛelena.

Mathae 6:21

ente okare apeakʼ dhon tahena onḍege apeakʼ mon hõ tahena.

Mathae 19:29

Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa.

Kạhtukko 16:16

Sona khon ạkil hameṭ joṅ do bhagea! Ar rupạ khon buj bachao joṅ hõ bhagea!

Kạhtukko 23:23

Sạriyakʼ kirińme ar ona do alom ạkhrińa; Hẽ, ạkil, sikhạuna ar buj baṛe kiriń joṅme.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Mathae 19:27

Unre Patras do uniye metadea, “Ńelme, sanamakʼ bạgikate amren celale hoyakana; ale do cetʼle ńama?”

Mathae 19:21

Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”

Jesaea 55:1

Probhu Isore meneda, “E tetaṅetʼpe hoṛko, dakʼ ṭhen dela hijukʼpe; okoeyakʼ ṭaka poesa bạnukʼtae, uni doe hijukʼma ar kirińkateye ńũiyma. Dela hijukʼpe, darkha rasa ar toa kirińjoṅpe, bin ṭaka poesatege ar bin damtege.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

Mathae 13:24

Uni do cetʼako lạgitʼ arhõ mitʼṭen phene lạiyatʼkoa. “Serma raj do nonkan mitʼṭen hoṛ lekana, okoe do acʼakʼ goḍare bhage itạye erketʼ.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Johan 6:35

Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea.

Kạhtukko 17:16

Ạkil hameṭ lạgitʼ khaṭo bujan lelha hoṛakʼ tire ṭaka tahẽlen khan cetʼ lab? Ente uniyakʼ ma bujge bạnukʼtae.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Kạhtukko 18:1

Okoe hoṛ apnarte somaj khon begare tahenkan uni do acʼakʼ sana purạutae lạgitʼe kurumuṭuiya, ar mitʼke mitʼ sạri ạkil tulucʼe jhogṛakʼa.

Jobakʼ 28:13

Hoṛ do ona reakʼ dam bako baḍaea; jiwetʼkoakʼ disạmre ona do baṅ ńamokʼa.

Mathae 13:46

Ado mitʼṭecʼ damanakʼ mạnike ńamketʼ khan senkate acʼakʼ cetʼko tahẽkantae onako joto ạkhrińkate uni do ona mạnike kirińkeda.

Mathae 13:47

“Arhõ serma raj do nonkan mitʼṭecʼ lạtu jhạli lekana one okaṭakʼ do doreãoreko oḍaoketʼte onare joto lekan hakoko jhạliyen.