Mathae 13:41 - সান্তালী বাইবেল

⁴¹ Onko do uniyakʼ rajosṭi khon sanam tạkicʼakʼ ar sanam lekan bedhorom kạmikan hoṛko jarwa mitʼkoa ar jolokʼkan seṅgelreko khadlekoa.

Santali Common Language New Testament

⁴¹ Onko do uniakʼ rajosṭi khon sanam tạkicʼakʼ ar sanam bedhorom kạmikan hoṛko jarwa mitʼkoa ar jolokʼkan seṅgelreko khadlekoa.

Mathae 13:41 Referans Kwoze

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Mathae 18:7

Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Romiko lạgitʼ Pạul Apostolakʼ ciṭhi 2:16

Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

Mathae 13:49

Onkage jug mucạtʼre hõ hoyokʼa. Serma goḍetko do hecʼkate dhorom hoṛ tala khon bedhoromkoko begarkoa ar jolokʼkan seṅgelreko khadlekoa.

Mark 13:27

Uni do acʼren serma goḍetkoe kolkote dhạrti reakʼ mitʼ mucạtʼ khon eṭakʼ mucạtʼ hạbicʼ ponon secʼ khon Isorren sanam bachao akan hoṛkoe jarwa mitʼkoa.

Mathae 8:20

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hopon do bohokʼ dohoytae lạgitʼ jaega hõ bạnukʼtaea.”

Sephaniạ 1:3

Manwa ar janwar, coṭren cẽṛẽ ar jalapuriren hakoko hõń caba utạrkoa. Iń do bedhoromkoń sumạrkoa. Ar dhạrti khon manwa doń marao utạrkoa.

2 Samuel 23:6

Menkhan bạṛicʼ hoṛ do totʼ giḍi ocokʼ jạnum leka kanako, one onko do tite ohoko sapʼlen.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”