Mathae 13:37 - সান্তালী বাইবেল

³⁷ Jisui roṛ ruạṛatʼkoa, “Okoe bhage itạye eretʼkan uni doe Manwa Hopon kana.

Santali Common Language New Testament

³⁷ Jisui roṛ ruạṛatʼkoa, “Okoe bhage itạye eretʼkan uni doe Manwa Hopon kana.

Mathae 13:37 Referans Kwoze

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Mathae 13:41

Onko do uniyakʼ rajosṭi khon sanam tạkicʼakʼ ar sanam lekan bedhorom kạmikan hoṛko jarwa mitʼkoa ar jolokʼkan seṅgelreko khadlekoa.

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiyakʼ bhage sombat purạteń lại jạhirakada.

Johan 20:21

Jisu do arhõe metatʼkoa, “Suluk ape ma. Baba cetʼleka ińe kol akadiń onkage iń hõ apeń koletʼpea.”

Johan 13:20

Sạrigeń metapekana, iń okoeyin kole, ar uni okoeye ataṅe, uni do ińgeye ataṅedińạ ar iń okoeye ataṅiń uni do kol akadińicʼgeye ataṅedekana.”

Mathae 13:27

Ona ńelte gutiko do hecʼkate oṛakʼ kisạ̃ṛko metadea, ‘Amakʼ goḍare cetʼ bhage itạ do bam erleda? Enḍekhan sama ghãs do oka khon hecʼena?’

Mathae 13:24

Uni do cetʼako lạgitʼ arhõ mitʼṭen phene lạiyatʼkoa. “Serma raj do nonkan mitʼṭen hoṛ lekana, okoe do acʼakʼ goḍare bhage itạye erketʼ.

Mathae 10:40

“Okoe apeko ataṅpe onko do ińgeko ataṅediń kana; ar okoe ińe ataṅediń kan uni do kol akadińicʼgeye ataṅedekana.

Mathae 8:20

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hopon do bohokʼ dohoytae lạgitʼ jaega hõ bạnukʼtaea.”

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Mathae 13:4

Uni doe metatʼkoa, “Mitʼṭen casa hoṛ do itạ erokʼ lạgitʼe oḍok calaoena. Ar erokʼ jokhecʼ adomakʼ itạ do hor aṛere ńurena ar cẽṛẽko hecʼkate onako halaṅ jomkeda. Ar adomakʼ itạ do cạṭạni hasare ńurena.

Jesaea 28:28

Okoehõ ḍher din hạbicʼ guhum do bako manḍaea, onate ona do bạṛijokʼa; manḍae jokhecʼ ona cetante pạ̃ihạ̃ se sadom nonkako calao koa jemon ona alo nosṭokʼ.