Mathae 13:24 - সান্তালী বাইবেল

²⁴ Uni do cetʼako lạgitʼ arhõ mitʼṭen phene lạiyatʼkoa. “Serma raj do nonkan mitʼṭen hoṛ lekana, okoe do acʼakʼ goḍare bhage itạye erketʼ.

Santali Common Language New Testament

²⁴ Uni do cetʼako lạgitʼ arhõ mitʼṭen golpoe lạiatʼkoa. “Serma raj do nonkan mitʼṭen hoṛ lekana, okoe do acʼakʼ goḍare bhage itạye erketʼ.

Mathae 13:24 Referans Kwoze

Mathae 25:1

“Unre serma raj do nonkan gel tetre kuṛiko leka hoyokʼa one okoe do gate kuṛiren Jãwãe daram ạguiye lạgitʼ diuhewante bahreteko oḍok calaoen.

Mathae 20:1

“Serma raj do mitʼṭen oṛakʼ kisạ̃ṛ lekana, one okoe do acʼakʼ darkha bagwanre kạmiyạko lagaoko lạgitʼ paha poho jokhecʼ bahreteye oḍok calaoen.

Mathae 13:47

“Arhõ serma raj do nonkan mitʼṭecʼ lạtu jhạli lekana one okaṭakʼ do doreãoreko oḍaoketʼte onare joto lekan hakoko jhạliyen.

Mathae 22:2

“Serma raj do nonkan mitʼṭen raj lekana, one okoe do acʼren hopon lạgitʼ bapla bhoje tearketʼ.

Mathae 13:37

Jisui roṛ ruạṛatʼkoa, “Okoe bhage itạye eretʼkan uni doe Manwa Hopon kana.

Luk 13:20

Jisu do arhõe menkeda, “Isorakʼ raj do cetʼ tulucʼ iń jurikea?

Luk 13:18

Inạ tayom Jisui menkeda, “Isorakʼ raj do oka lekana? Ar cetʼ tulucʼ iń jurikea?

Mathae 13:33

Uni do arhõ mitʼṭecʼ phene lạiyatʼkoa: “Serma raj do khạmi lekana. Mitʼṭen maejiu do ona idikate gel irạl keji holoṅreye sipi mesalkeda. Onate joto holoṅ do khạmiyanakʼ hoyena.”

1 Patras 1:23

Okaṭakʼ itạ nosṭokʼ, onkan itạ khon nãwãte do bape janam akana, bickom okaṭakʼ itạ tis hõ baṅ maraokʼ ona khongepe janam akana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

Mathae 13:31

Jisu do arhõ mitʼṭecʼ phene lạiyatʼkoa. “Serma raj do mitʼṭecʼ tuṛi jaṅ lekana, one okaṭakʼ do mitʼ hoṛ idikate acʼakʼ goḍareye erketʼ.

Mathae 18:23

“Ńelpe, serma raj do nonkan mitʼṭen raj lekana, okoe do acʼren gutiko ṭhen hisạb hataoe menwan.

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Mathae 3:2

“Mon ạcurtape, ente serma raj do sorakana.”

Mathae 21:33

“Mitʼṭecʼ phen ańjompe. Mitʼṭen oṛakʼ kisạ̃ṛ do mitʼṭecʼ darkha bagwane benaokeda ar ona beṛhaeteye eṭetʼ ạcurkada. Tayomte uni do ona bagwanre lelen kũnḍe la tearketʼte mitʼṭecʼ usul pahra oṛakʼe benaokeda. Ar inạ tayom do cacasko ṭhen onae bạisạu oṭokatʼte acʼ do eṭakʼ disạmteye calaoena.

Mathae 4:23

Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Kolossiko lạgitʼ Pạul Apostolakʼ ciṭhi 1:5

Sermare ape lạgitʼ okaṭakʼ jogao dohoakan ona ńam reakʼ as khonge ape talare noa pạtiạu ar dulạṛ do janam akana. Ar okaṭakʼ bhage sombat, metakʼme sạri katha ape ṭhen seṭer akan ona hotetege ape do noa as reakʼ kathape ańjom akada.

Jeheskel 17:2

“E manwa hopon, phen hotete Israelko lạiyakome,

Jesaea 28:13

Onatege onko ṭhen Probhu Isorakʼ katha do hoyokʼa, “sikhạuna upạr sikhạuna, sikhạuna upạr sikhạuna. Thar upạr thar, thar upạr thar. nonḍe thoṛa hanḍe thoṛa,” Jemon onko do taṛamle khange sạmbirteko bhindạṛokʼ arko hạnokʼte pạsireko sapʼ ṭarhaokʼ.

Jesaea 28:10

Ente sikhạuna upạr sikhạuna menakʼa, sikhạuna upạr sikhạunage. Thar upạr thar, ar thar upạr tharge, nonḍe thoṛa hanḍe thoṛa. ”

Mathae 13:25

Menkhan hoṛko jạpitʼ akatʼ tahẽkanre uni hoṛren bạiri doe hecʼena ar guhum talare sama ghãs reakʼ itạ er oṭokateye calaoena.