Mathae 12:50 - সান্তালী বাইবেল

⁵⁰ ente okoe sermare menae Babawakʼ mone lekako senokʼ, onkoge ińren boehań, miserań ar eṅgạń kanako.”

Santali Common Language New Testament

⁵⁰ ente okoe sermare menae Babawakʼ mone lekako senokʼ, onkoge ińren boehań, miserań ar eṅgạń kanako.”

Mathae 12:50 Referans Kwoze

Luk 8:21

Onate Jisu do hoṛkoe metatʼkoa, “Okoe Isorakʼ katha ańjomkate ona lekako kạmikan, onko kangeako ińren eṅgạń ar boehań do.”

Mark 3:35

Okoe Isorakʼ sana lekako senokʼkan onkoge ińren, boeha, misera ar eṅgạń kanako.”

Johan 15:14

Okako hukumiń emape onakope dohole khan enḍekhan ape do ińren gatepe hoyokʼa.

Johan 6:29

Jisui metatʼkoa, “Isor okoeye kolakade unire pạtiạukʼge hoyokʼ kana Isorakʼ kạmi.”

Mathae 28:10

Jisui metatʼkinạ, “Aloben botorokʼa; aben do calaokate ińren boehako Gạlilte senokʼ metakoben. Onko do onḍegeko ńeleńa.”

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

1 Johan 2:17

Dhạrti ar dhạrti reakʼ rij roṅ do caba hijukʼkana, menkhan Isorakʼ sana leka okoeye senokʼkan uni do jaejug hạbicʼe tahena.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

1Timothi 5:2

Buḍhi hoṛko do gogo leka, ar kom umerren maejiuko do miserako leka napaete bujhạukope.

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.

Galathiko lạgitʼ Pạul Apostolakʼ ciṭhi 6:15

Khatna ar bin khatna do cetʼ porhoge bạnukʼa, menkhan maraṅ katha do hoyokʼ kana Mạsi hotete nãwã sirjonge.

Johan 20:17

Jisui menkeda, “Alom hạṛubińạ, ente ńit hõ sermaren Baba ṭhen ạuriń calakʼa. Am do senkate boehako lạiyakome, okoe doe iń ar aperen Babakan ar okoe doe iń ar aperen Isorkan, iń do uni ṭheniń rakapʼ calakʼkana.”

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Sereńko 22:22

Ińren boehako ṭhen do am reaṅgeń lại jạhira, ar kạlisiạ talare amiń gun manao joharama.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼge bape nonkawade, unạkʼge iń hõ bape onkawạdińa.’ ”

1 Korinthiko 9:5

Eṭakʼ sanam apostolko, Probhu Isorren boehako ar Kephasteko cetʼ leka akoren bạhuko seletʼ porcarko oḍokokʼkan, onkage Mạsire pạtiạu akan bạhuko seletʼ porcar oḍokokʼ reakʼ ạidạri do cetʼ bạnukʼtalea?

Soros sereń 4:12

E dulạṛiạtiń, E bạhutiń, am do pạcri esetʼ akatʼ mitʼṭecʼ bagwan leka; ar bond akatʼ jharna ar kũń ḍạḍi kanam.

Mathae 12:49

Uni do acʼren celako udukʼketʼkoteye menkeda, “Noko ńelkom, ińren eṅgạń ar boehańko do;

Mathae 13:1

Enhilokʼge Jisu do oṛakʼ khon oḍok senkate doreão aṛereye duṛupʼena.