Mathae 12:44 - সান্তালী বাইবেল

⁴⁴ Menkhan bae ńamle khan uni doe mena, ‘oka khoniń oḍok hecʼakan ińakʼ ona oṛakʼtegeń ruạṛ calakʼa.’ Ar ruạṛ hecʼkate ona oṛakʼ do ạjạuṛige, jokʼ cikạ̃ṛ ar sajaoakatʼe ńama.

Santali Common Language New Testament

⁴⁴ Menkhan bae ńamle khan uni doe mena, ‘oka khoniń oḍok hecʼakan ińakʼ ona oṛakʼtegeń ruạṛ calakʼa.’ Ar ruạṛ hecʼkate ona oṛakʼ do ạjạuṛige, jokʼ cikạ̃ṛ ar sajaoakatʼe ńama.

Mathae 12:44 Referans Kwoze

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

1 Korinthiko 11:19

Ente ape talare dola duli do tahengea, jemon Isor samaṅre ape modre biḍạukʼ ṭarhaokʼkoko sodorokʼ.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoeṭakʼ jiu doe hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayede tahẽkana.

Johan 13:27

Piṭhạ kecakʼe ńamketʼ khan Soetan do Jihudạreye boloyena. Jisu do uniye metadea, “Okaṭakʼ cekayem menetʼkan ma usạraeme.”

Johan 13:2

Unre kedokʼ jokhecʼ Soetan do Simon hopon Jihudạ Iskariotakʼ monre bạirikoakʼ tire Jisu soprote lạgitʼ sanae rakapʼ ocoletʼtaea.

Johan 12:6

Jihudạ do reṅgecʼko lạgitʼ dạndikate noa kathae menleda ona do baṅ. Uni do kombṛoe tahẽkana. Ar uni jimạre ṭaka reakʼ baksa tahẽkante dohoakʼko khone kombṛoyetʼkan tahẽkana.

Mathae 12:29

“Daṛe menakʼtae hoṛ do pạhilre baṅ tol maṛaṅ lekhan uni oṛakʼre bolokate cetʼ jãhãe uniyakʼ jiniskoe luṭ daṛeketaea? Menkhan uniye tol maṛaṅ lekhan doe daṛeakʼgea.

Hosea 7:6

Menkhan onko do tinreko phor phundikeda unre onkoakʼ ontor do culhạ leka dugur dugur jollentakoa. Onkoren piṭhạ bekʼnaoko do goṭa ńindạko jạpitʼkeda ar setakʼ jokhecʼ ona phor phundi do bhaṭa seṅgel leka jolentakoa.

Mathae 12:43

“Bạṛicʼ jiu do jãhãe manwa khone oḍok calaolenre jirạu ńam lạgitʼ khaṅgoṭ jaegakoreye ạcur baṛaea.

Mathae 12:45

Tayomte uni bạṛicʼ jiu do senkate acʼ khon artetʼ bạṛicʼ eae goṭen eṭakʼ jiue soṅge darajoṅa ar onḍe bolokateko mạnḍiạukʼa. Onate uni hoṛakʼ dosa do pạhil khon artetʼ bạṛicʼ hoyokʼtaea. Noa bạṛicʼ piṛhiren hoṛkoakʼ dosa hõ onkage hoyokʼtakoa.”

Luk 11:25

Ar ruạṛ hecʼkate uni do ona oṛakʼ sapha ar sajao akatʼe ńama.