Mathae 12:28 - সান্তালী বাইবেল

²⁸ Menkhan Isorren Jiu hotete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Santali Common Language New Testament

²⁸ Menkhan Isorren Jiu hotete bhutkoń oḍok giḍiyetʼko khan enḍekhan Isorakʼ raj do apere hecʼakana.

Mathae 12:28 Referans Kwoze

Luk 11:20

Menkhan Isorakʼ daṛete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼkana, dhorom ar suluk ar rạskạge Sonot Jiure tahen.

Luk 16:16

“Moseyakʼ ạn ar nạbikoakʼ olakʼ do Johan hạbicʼge. Ona tayom khon Isorakʼ raj reakʼ bhage sombat do porcarokʼ kana ar sanamkoge ona rajre jormoṭko bolokʼ kana.

Mark 1:15

“Okte purạu akana, ar Isorakʼ raj do sorakana. Kại khon mon ạcurtape ar bhage sombatre pạtiạukʼpe.”

Mathae 21:31

Ado nukin bar hoṛ modre okoeṭakʼ do apatakʼ sana lekakin kạmikeda?” Unre sostor baḍaekoko roṛ ruạṛadea, “Pạhilicʼge,” Jisui metatʼkoa, “Sạrigeń metapekana, mạsul uṭhạuko ar kusmbikoge ape khon lahare Isorakʼ rajreko bolokʼkana,

Luk 9:2

Ona tayom Isorakʼ raj porcar ar rugiko bogeko lạgitʼe kolkatʼkoa.

Mark 16:17

Okoeko pạtiạukʼ onkore do noako cinhạ ńelogokʼa, onko do iń ńutumte bạṛicʼ jiukoko oḍok giḍikoa, ar nãwã nãwã pạrsite kathako roṛa,

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

Luk 10:11

‘ape ato reakʼ jaṅgare laṭkao akawatʼle dhuṛi do ape upạrtele muchạu oṭokakʼ kana. Enrehõ baḍaekakʼpe, Isorakʼ raj do sorakana.’

Mark 11:10

Bhorangea aboren baba Dạudakʼ darakan raj do. Coṭ utạrre Hosanna!”

Mathae 12:18

Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Mathae 12:29

“Daṛe menakʼtae hoṛ do pạhilre baṅ tol maṛaṅ lekhan uni oṛakʼre bolokate cetʼ jãhãe uniyakʼ jiniskoe luṭ daṛeketaea? Menkhan uniye tol maṛaṅ lekhan doe daṛeakʼgea.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.