Mathae 12:20 - সান্তালী বাইবেল

²⁰ Hok reakʼ bicạrko ạuriye jitạu ocoy hạbicʼ, uni do talga tạuạkʼ akan chuci hõ bae rạpuda, ar ńũṛũ ńũṛũkʼkan diuhe hõ bae ĩṛĩja.

Santali Common Language New Testament

²⁰ Hok reakʼ bicạrko ạuriye jitạu ocoe hạbicʼ, uni do talga tạwạkʼ akan chuci bae rạpuda, ar ńuṛuṅ ńuṛuṅokʼkan diuhe hõ bae ĩṛĩja.

Mathae 12:20 Referans Kwoze

Jeheskel 34:16

Ar okoeko atʼakan onkoń sendra ạgukoa ar okoe do eṭakʼ hor secʼko ghańjeṛ akan onko doń ruạṛ ạgukoa. Ar hạn akanko do ghaokoń bedhaokatakoa ar nijorko do jorankoń hoyocokoa, menkhan lodgopʼ ar daṛeanko doń marao giḍikoa, ente iń do dhorom reakʼ bicạr talate ińren palrenkoń ńel jutkoa.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Sereńko 147:3

Rạputʼ monanko doe bogeyetʼkoa; ar onkoakʼ sanam ghaokoe tolkatako kana.

Johan sodor 6:2

Ar okoe unireye decʼakan tahẽkan uniyakʼ tire do mitʼṭecʼ akʼ tahẽkana. Uni do mitʼṭecʼ mukuṭko emadea ar jitạuicʼ lekae oḍok calaoena are jitạu idiyena.

2 Korinthiko 2:7

Menkhan ńitokʼ do ikạkaepe ar jiwi raṛecʼ emaepe, jemon dukte aloe hadosokʼ.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 51:17

Kaca kucạ ontorge Isorakʼ ataṅokʼakʼ dãṛẽ do; E Isor, nicạṛ ar mạ̃hir ontor do alom nihạ̃ttińạ.

2 Rapajko 18:21

Am do ona loṭocʼ pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Ar Misorren raj Pharao cetanre okoeye bhorsakʼ uni cetanre hõ onkage hoyokʼa.’

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭecʼ mahkaokʼkan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

Mathae 11:7

Ado Johanren celakoko ruạṛ calakʼkan tahẽkanre, Jisu do gadel hoṛko Johan reaṅ lạiyakoe ehopʼena, “Hahaṅkarte do cetʼ ńeńelpe oḍok senlena? Hoete hilạukʼkan chuchi?

Levitikus 10:20

Ar Mose do onae ańjomketʼ khane kusiyena.