Mathae 11:3 - সান্তালী বাইবেল

³ “Okoeyakʼ hijukʼ reakʼ katha menakʼtae uni dom am kangea, se eṭakʼgicʼ lạgitʼle koyokʼ hora?”

Santali Common Language New Testament

³ “Okoeakʼ hijukʼ reakʼ katha menakʼtae uni dom am kangea, se eṭakʼgicʼle ńel horea?”

Mathae 11:3 Referans Kwoze

Johan 11:27

Marthae menkeda, “Hẽ Probhu, iń doń pạtiạukʼ kangea, amge Isorren Hopon dhạrtite hijukʼicʼ do.”

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Ibriko 10:37

ente Isorakʼ katha leka, “Okoeyakʼ hijukʼ reakʼ katha menakʼtae uni do ar thoṛa din khangeye hijukʼa, ar bae biloma.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Johan 7:31

Menkhan ḍher hoṛge Jisure pạtiạuenteko menkeda, “Nui do aema hahaṛawakʼkoe kạmikana. Mạsiye hecʼlenre noako khon hõ bạ̃ṛti hahaṛawakʼko cetʼ bae kạmiya?”

Johan 6:14

Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Johan 16:14

Uni sạriyakʼren Jiuge ińakʼ ṭhonoke sodora, ente jãhãnakʼgeń cekae ariń roṛ onage uni do ape ṭhene sodora. Babawakʼ oka menakʼtae onako sanamakʼge ińakʼ kana.

Johan 12:13

Unre onko do khijur ḍạr sapʼkate daram ạguiye lạgitʼko oḍok calaoena ar ãṭ aṛaṅte hohowate memenko ehopʼena, “Hosanna, bhorangeae Probhu Isor ńutumte daraekạnicʼ, Israelkoren raj do.”

Johan 4:21

Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Luk 19:38

“Bhorangeae Probhu Isor ńutumte daraekanicʼ raj do; sermare suluk ar coṭ utạrkore ṭhonok.”

Mark 11:9

Ar Jisu laha lahate calakʼkanko ar uni pańjayekanko do ãṭ aṛaṅteko hoho idiyetʼ tahẽkana, “Hosanna! Bhorangeae Probhu Isor ńutumte daraekạnicʼ do.

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Hagae 2:7

Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.

Obodiạ 1:21

Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Sereńko 118:26

Okoe Probhu Isor ńutumteye hijukʼkan uniyakʼge sarhao hoyokʼtae ma. Probhu Isorakʼ oṛakʼ khon ale do apele bhorape kana.

Numeri 24:17

‘ńitokʼ baṅre hõ iń do uniń ńelńame kana, ar iń sorrene baṅkanre hõ enhõ uni doń ạritʼ edekana. Mitʼṭecʼ ipil doe rakapʼa Jakobakʼ bõsre, mitʼṭecʼ raj ṭheṅgage Israelko mod khon rakapʼ hijukʼa. Uni do Moab ar Setren hoponkoakʼ bohokʼe gejertakoa.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Mathae 11:4

Jisui roṛ ruạṛatʼkoa, “Okakope ńeletʼ arpe ańjometʼ onako senkate Johan lạiyaepe.

Mathae 11:10

Johan doe uni kana one okoe reaṅ sostorre ol akan: Ńelme, ińren goḍet do am lahateń kolekana, uni do am lahate senkate amakʼ hore teara.