Mathae 11:20 - সান্তালী বাইবেল

²⁰ Ado Jisu okako ato ar nagrahakore ḍher hahaṛa kạmikoe kạmiletʼ onako jaegaren hoṛko do mon bako ạcurletʼtakoa. Onate uni do onako jaega nisṛạue ehopʼena,

Santali Common Language New Testament

²⁰ Ado Jisu okako ato ar nagrahakore ḍher hahaṛa kạmikoe kạmiletʼ onako jaegaren hoṛko do mon bako ạcurletʼtakoa. Onate uni do onako jaega nisṛạue ehopʼena,

Mathae 11:20 Referans Kwoze

Jirimiạ 8:6

Iń do mone lagaokateń ańjomakada, onko do ṭhikakʼ katha bako roṛeda. Bạṛicʼakʼko khon mon ạcurkate okoehõ bako meneda, ‘hae, cetʼ iń cekakeda!” Sadom cetʼ leka lạṛhạireye ńir bolokʼkan onkage onko do apan ạpin horteko calakʼkana.

Johan sodor 2:21

Loṭghuṭi khon mon ạcurtae lạgitʼ iń do ạtiń emade tahẽkana, menkhan uni do mon bae ạcurletʼtaea.

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Aposkạmi 17:20

Ente adomakʼko nonkam galmarao ale kana one oka do ạnạ̃ṛigele ańjometʼkan. Onate baḍae sanayetʼ lea onako reakʼ mane do cetʼkana mente.”

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Mark 9:19

Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguiyepe.”

Mathae 12:41

Bicạr dinre Niniwi nagraharen hoṛko do beretʼkate niạ piṛhiren hoṛkoakʼ doskoko uduga, ente Niniwiren hoṛ do Jona nạbiyakʼ porcarte akoakʼ kại khon monko ạcurletʼtakoa. Ar ńelpe, nonḍe do Jona khon hõ maraṅicʼge menaea.

2 Korinthiko 12:21

Iń doń botorokʼ kana, pase ape ṭhen arhõń senlenre ińren Isor do ape samaṅreye lajao ocoyiń, ar okoeko lahateko kạiletʼ tahẽkan onko do pase loṭghuṭi, lucạ lamoṭ bin napaeakʼ khon mon bako ạcurakatʼtako, ar onko ḍherko iạte iń do dukiń ńama.