Mark 9:50 - সান্তালী বাইবেল

⁵⁰ “Buluṅ ma bogege, menkhan sabakʼlen khan cekate ona do arhõ rahamkokʼa? Apeakʼ ontorre buluṅ tahentapema ar sanamko tulucʼ sulukte tahenpe.”

Santali Common Language New Testament

⁵⁰ “Buluṅ ma bogege, menkhan sabakʼlen khan cekate ona do arhõ rahamkokʼa? Apeakʼ ontorre buluṅ tahentapema ar sanamko tulucʼ sulukte tahenpe.”

Mark 9:50 Referans Kwoze

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Romiko lạgitʼ Pạul Apostolakʼ ciṭhi 12:18

Daṛeakʼ bhor sanam hoṛko sãote sulukte tahenpe.

Mathae 5:13

“Ape do dhạrti reakʼ buluṅ kanape, menkhan buluṅ sabakʼlen khan cekate rahamokʼa? Ona do ar okaṭakʼ kạmirege baṅ lagaokʼa. Eken bahrete giḍikakʼ ar hoṛko lebetʼakʼ lekge hoyokʼa.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu Isor do okoe hõ bako ńelńamea.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

Philipiko lạgitʼ Pạul apostolakʼ ciṭhi 1:27

Joto khon maraṅ katha do hoyokʼ kana, ape do nonka leka jion khemaope one okaṭakʼte Mạsi reaṅ bhage sombat reakʼ lek kan. Enḍekhan iń apnarte hecʼkateń ńelpe se sạṅgiń khon apeakʼ kathań ańjom, ar iń baḍae baṅma, ape do mitʼ Jiurepe teṅgo ṭak akana mente ar bhage sombat hotete okaṭakʼ biswạs hijukʼkan ona lạgitʼ mitʼtepe khaṭaokʼ kana.

Jobakʼ 6:6

Sabakʼakʼ do cetʼ buluṅ begor jomogokʼgea, se bele reakʼ ponḍtetʼre cetʼ jãhãn sebel menakʼgea?

1 Thessalonikikko 5:13

Onko okako cekayetʼkan ona lạgitʼ dulạṛ monte manotkope. Ar ape apere sulukte tahenpe.

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.

Jakob 1:20

ente abo ṭhen khon Isor oka dhorom jione asokʼkan ona do raṅgao talate oho hecʼlena.

2Timothi 2:22

Juạn umer reakʼ bạṛicʼ sanako khon ńirjoṅme ar sapha ontorte okoe do Probhu Isorko hohowaekan onko tulucʼ dhorom, pạtiạr, dulạṛ ar suluk baṛe khudạume.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Sereńko 34:14

Bạṛicʼ kạmi khon sạṅgińre tahenpe, ar bhageakʼ kạmipe; suluk lạgitʼ ahkaokʼpe ar ona do alope aṛakʼ giḍikakʼa.

Mark 9:34

Celako do thirgeko tahẽyena, ente joto khon maraṅicʼ doe okoekana menteko reṭe peṭekʼkan tahẽkana.

Sereńko 133:1

Ńelpe, tinạkʼ bhage ar juta boehako mitʼteko tahen do!

Mark 9:49

“Ar buluṅ emakʼ leka sanamko cetanre seṅgel emocokʼa.