Mark 9:32 - সান্তালী বাইবেল

³² Menkhan celako do Jisuakʼ katha reakʼ mane bako bujhạu daṛeada ar kuliye hõko botorena.

Santali Common Language New Testament

³² Menkhan celako do Jisuakʼ katha reakʼ mane bako bujhạu daṛeada ar kuliye hõko botorena.

Mark 9:32 Referans Kwoze

Luk 18:34

Menkhan celako do noako reaṅ cetʼge bako bujhạu daṛeada. Ente ona katha reakʼ bhed onko khon danaṅre tahẽyente Jisu okae roṛketʼ ona do bako bujhạuleda.

Luk 9:45

Menkhan celako do ona katha bako bujhạuleda. Isor do onko ṭhen khone danaṅ akatʼ tahẽkana jemon onko do ona aloko bujhạu daṛeakʼ. Ar celako hõ noa reakʼ jãhãnakʼ katha kuliyeko botorokʼkan tahẽkana.

Luk 2:50

Jisu okae menketʼ ona do acʼren eṅgat-apat hõ bạkin bujhạu daṛeada.

Johan 16:19

Ado celako noa reaṅ kuliyeko menjoṅ kana menteye bujhạuketʼ khan Jisu do onkoe metatʼkoa, “Ińiń menakatʼ, ‘thoṛa ghạṛicʼ khange bape ńeleńa arhõ thoṛa ghạṛicʼ khangepe ńeleńa,’ noa reaṅge cetʼ ape talare bape kupulikʼ kana?

Johan 12:16

Jisuren celako do pạhilre noako bako bujhạu daṛeada. Ado tinre Jisuakʼ ṭhonok sodorena unre onko doko disạkeda sonot sostor reakʼ ona katha do Jisu reaṅge olakan tahẽkana mente. Onko do arhõ disạ hecʼatʼkoa hoṛko do Jisu lạgitʼgeko onkaleda.

Mark 9:10

Celako do Jisuakʼ hukumko bataoketʼtaea, menkhan gocʼko khon jiwetʼ beredokʼ reakʼ mane cetʼkana mente ona do ako akore galmaraoko ehopʼena.

Johan 4:27

Ar inạkʼtege Jisuren celako doko hecʼena, ar mitʼṭen maejiu tulucʼ Jisu galmaraoko ńelkede khan onko doko hahaṛayena. Menkhan enhõ okoege bako metadea, “Am do cetʼem khojkana se cedakʼ uni tulucʼ dom galmaraoeda?”

Luk 24:45

Uni do sonot sostor bujhạu ocoko lạgitʼ celakoakʼ bude jhicʼketʼtakoteye metatʼkoa,

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Mark 8:33

Jisu do ạcurente celako secʼe beṅgetʼkeda ar Patras dhomkaokedeteye metadea, “Eya Soetan, iń samaṅ khon pharakokʼme. Ente Isor reakʼakʼko do bam moneyakʼ kana, menkhan manwa reakʼakʼkogem moneyakʼ kana.”

Mark 7:18

Jisui metatʼkoa, “Cekate nunạkʼ dope bebujgea? Ape do cetʼ bape bujhạueda, bahre khon okaṭakʼ manwa bhitrite bolokʼkan onate manwa do bae bhonḍ daṛeaea.