Mark 9:1 - সান্তালী বাইবেল

¹ Ona tayom Jisu do celakoe metatʼkoa, “Sạrigeń metapekana, nonḍe teṅgo akanko modre nonkan hoṛ menakʼkoa one onko do Isorakʼ raj daṛe salakʼ hijukʼ ạuriko ńel hạbicʼ okalekate hõ bako gujukʼa.”

Santali Common Language New Testament

¹ Ona tayom Jisu do celakoe metatʼkoa, “Sạrigeń metapekana, nonḍe teṅgo akanko modre nonkan hoṛ menakʼkoa one onko do Isorakʼ raj daṛe salakʼ hijukʼ ạuriko ńel hạbicʼ okalekate hõ bako gujukʼa.”

Mark 9:1 Referans Kwoze

Luk 9:27

Sạrigeń metapekana, nonḍe adom hoṛ menakʼkoa, onko do Isorakʼ raj ạuriko ńel hạbicʼ bako gujukʼa.”

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Luk 22:30

Onate ińakʼ rajre ape do iń tulucʼpe jom ńũiya ar siṅghạsonre duṛupʼkate Israelren gel bar khũṭrenkoakʼpe bicạrtakoa.

Mark 13:30

Sạrigeń metapekana, noako hoylenre hõ niạ piṛhiren thoṛa hoṛ do bańcaoko tahena.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Luk 22:18

enteń metapekana, ńit khon Isorakʼ raj ạuri hijukʼ hạbicʼ iń do darkha rasa bạń ńũiya.”

Luk 2:26

Sonot Jiu unireye tahẽkana are sodorade tahẽkana, gujukʼ lahare uni do Probhu Isorren uni Mạsiye ńelea mente.

Mark 13:26

Unre hoṛko do Manwa Hopon maraṅ daṛe ar ṭhonokante rimilte hijukʼkanko ńelea.

Mathae 24:30

Unre Manwa Hopon reakʼ cinhạ do sermare ńelokʼa. Ar dhạrtiren sanam gusṭirenko do dukte koṛamko ceṭagokʼa. Onko do Manwa Hopon daṛe ar ṭhonokante rimilte hijukʼkanko ńelea.

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”

Johan 21:23

Onate boehako talare katha pasnaoena je, uni cela do bae gujukʼa. Menkhan Jisu do Patras bae men akawadea uni do bae gujukʼa mente. Bickome metade tahẽkana, “Ạuriń ruạṛ hijukʼ hạbicʼe tahẽ hataṛokʼ iń menjoṅkan khan amakʼ do cetʼ?”