Mark 8:33 - সান্তালী বাইবেল

³³ Jisu do ạcurente celako secʼe beṅgetʼkeda ar Patras dhomkaokedeteye metadea, “Eya Soetan, iń samaṅ khon pharakokʼme. Ente Isor reakʼakʼko do bam moneyakʼ kana, menkhan manwa reakʼakʼkogem moneyakʼ kana.”

Santali Common Language New Testament

³³ Jisu do ạcurente celako secʼe beṅgetʼkeda ar Patras dhomkaokedeteye metadea, “Eya Soetan, iń khon pharakokʼme. Ente Isor reakʼakʼko do bam moneakʼ kana, menkhan manwa reakʼakʼkogem moneakʼ kana.”

Mark 8:33 Referans Kwoze

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

1 Johan 2:15

Ape do dhạrti ar dhạrti reakʼ jãhãnakʼge alope dulạṛa. Ar jãhãe dhạrtiye dulạṛ khan, enḍekhan uni do Baba bae dulạṛedekana,

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Sereńko 141:5

Mitʼṭen Isor botorae hoṛ do ińe daleńma, onage ińakʼ pạtiạrtetʼ do hoyokʼa. Uni do ińe egerińma, ar ona do ińakʼ bohokʼre sunum ojokʼ akatʼ leka hoyokʼa; ińakʼ bohokʼ do ona aloe baṅakʼma. Menkhan ińakʼ koejoṅ do jaoge bedhoromkoakʼ kạmi upạrte tahena.

1 Patras 4:1

Onate Mạsi do hoṛmore duke sahaoletʼte ape hõ apnarakʼ ontorre inạ mitʼ monsubạge benao rakabtape, ente hoṛmore okoe duke jom akatʼ uni do kại reakʼ heowa khone thir akana.

1Timothi 5:20

Okoe mukhiyạko kạkạitegeko tahen onko do manḍerren sanam hoṛko samaṅre nisṛạukom jemon eṭakʼ mukhiyạko hõ botor tahentako.

1 Korinthiko 5:5

unre uni hoṛ do Soetan tire jimạkae hoyokʼa, jemon uniyakʼ hoṛmo ḍahao maraokʼtae menkhan Jiu do Probhu Jisuakʼ hijukʼ dinre bańcaoe ńam.

Luk 22:61

Unre Probhu do ạcurente Patrase beṅgetʼadea. Onate Patras do one Probhui metade tahẽkan kathae disạgotʼkeda, “Teheń sim sạnḍi ạuriye ragre pe dhaoem baṅeńa.”

Mark 3:34

Ado acʼ beṛhaete duṛupʼ akanko secʼ beṅgetʼ ạcurkateye menkeda, “Noko kangeako ińren eṅgạń ar boehańko do!

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Mathae 15:23

Menkhan Jisu do cetʼge bae roṛ ruạṛadea. Unre celako do hecʼkate nehõradeteko metadea, “Uni do bidạkaeme, ente abo tayomteye hoho ạguiyeda.”

2 Samuel 19:22

Dạude roṛ ruạṛkeda, “E Seruyaren hoponko, niạ reaṅ am tulucʼ ińakʼ do cetʼ? Teheń cedakʼ ape do iń upạrtepe teṅgokʼ kana? Teheń Israelko modren jãhãe hoṛ goje do cetʼ lek kana? Iń do cetʼ noa katha bạń baḍaea, teheń hõ Israelren raj kạnạń mente?”

Levitikus 19:17

“Eṭakʼko cetanre amakʼ monre kurud alom dohoya. Eṭakʼkoakʼ dosko menakʼ khan udukʼakome jemon ona iạte dusire amhõ alom paṛaokʼ.

Titus lạgitʼ Pạul Apostolakʼ ciṭhi 1:13

Ona goha do sạrigea. Onate ạḍi ajhaṭte onkoakʼ dosko udukʼakome jemon onko do dhorom biswạsre ṭhik lekako sapʼ doho akae tahen,

Luk 9:55

Jisu do unkin secʼ ạcurkate dhomkao ketʼkinteye metatʼkinạ, “Abenre cetʼlekan jiu menaea ona do baben baḍaea, ente Manwa Hopon do manwa nosṭoko lạgitʼ do bae hecʼakana, bickom bańcaoko lạgitʼge.”

Luk 4:8

Jisu do uniye roṛ ruạṛadea, “Sonot sostorre ol menakʼa, ‘am do amren Isorem ḍobokʼaea, ar eken uni eskargem dewa sewawaea.’ ”

Jobakʼ 2:10

Menkhan Job do uniye metadea, “Am do mitʼṭen dundhi maejiu leka katham roṛeda. Abo do cetʼ Isor ṭhen khon eken bhạlạige bon ataṅa, ar be bhạlạiyakʼ do baṅa?” Niạko hoyenre hõ Job do acʼakʼ kathate bae kạileda.

Mathae 16:23

Jisu do ạcurente Patrase metadea, “Eya Soetan iń samaṅ khon pharakokʼme. Am do iń tạkʼkicʼicʼ kanam. Isor reakʼakʼko do bam moneyakʼ kana menkhan manwa reakʼakʼgem moneyakʼ kana.”