Mark 8:11 - সান্তালী বাইবেল

¹¹ Ado onḍe Phạrusikoko oḍok hecʼen khan Jisu sãote reṭe peṭekʼko ehopʼena, ar biḍạue lạgitʼ serma khon mitʼṭecʼ cinhạko khojkeda.

Santali Common Language New Testament

¹¹ Ado onḍe Phạrusikoko oḍok hecʼen khan Jisu sãote reṭe peṭekʼko ehopʼena, ar biḍạue lạgitʼ serma khon mitʼṭen cinhạko khojkeda.

Mark 8:11 Referans Kwoze

1 Korinthiko 10:9

Onko modre ḍherkoge Probhu Isorko biḍạukedete cetʼleka biń gerteko gocʼlen, onka jemon Probhu Isor alo bon biḍạu aṭkare.

Mathae 12:38

Inạ tayom adom sostor baḍaeko ar Phạrusiko do Jisuko metadea, “E Guru, ale do am ṭhen khon mitʼṭecʼ cinhạle ńela.”

Malaki 3:15

Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”

Dosar Biboron 6:16

Aperen Probhu Isor do alope biḍạuea, cetʼleka Mesarepe biḍạu aṭkarlede.

Johan 4:48

Jisu do uni raj kạmiyạ hoṛe metadea, “Jãhãn cinhạ se hahaṛa kạmi bape ńellekhan ape do okalekate hõ ohope pạtiạulena.”

Luk 11:16

Ar eṭakʼ hoṛko do Jisu biḍạue lạgitʼ serma khon mitʼṭecʼ cinhạ udukʼako lạgitʼko metadea.

Exodus 17:7

Hoṛko noa Rephidimreko jhogṛalente ar noako roṛletʼte, “Probhu Isor do abo sãore menaea, se baṅa?” Ona iạte Mose do noa jaega reakʼ ńutum Masa (metakʼme “biḍạu”) ar Meriba (metakʼme “jhogṛae”) dohokeda.

Aposkạmi 5:9

Unre Patras do uniye metadea, “Probhu Isorren Jiu biḍạue lạgitʼ cedakʼ ben mitʼ mot akana? Ńelme, okoeko hoṛ amren jãwãeko topakede onko do duạr ṭhenko hecʼ seṭerakana, ar amhõ bahreteko oḍok idimea.”

Johan 7:48

Mukhiyạko se Phạrusiko modren okoe hõ coṅ unirema bacoko pạtiạu akan.

Johan 6:30

Unreko kulikedea, “Enḍekhan cetʼlekan hahaṛa kạmim udukʼ alete amrele pạtiạu daṛekokʼa? Ar am do cetʼkom kạmikana?

Luk 10:25

Mitʼṭen dhorom guru do Jisu ṭhene hecʼena. Ar biḍạue lạgitʼe menkeda, “E Guru, iń do cetʼ iń cekalere jaejug jioniń ńam daṛekea?

Mark 12:15

Ar uni do khajnale emaea se baṅ?” Jisu do onkoakʼ phạsiạratetʼ baḍaeketʼteye metatʼkoa, “Cedakʼpe biḍạu aṭkarediń kana? Den mitʼṭecʼ Dinar ạguạńpe.”

Mark 2:16

Ado Phạrusiko dolren sostor baḍaeko do Jisu mạsul uṭhạuko ar bạṛicʼ hoṛko tulucʼ jojomkanko ńelkede khan uniren celakoko metatʼkoa, “Uni do mạsul uṭhạuko ar bạṛicʼ hoṛko tulucʼ cedakʼe jom ńũiyeda?”

Mathae 22:23

Enhilokʼge adom Sạdukiko do Jisu ṭhenko hecʼena. Sạdukiko ṭhen do gocʼkoakʼ jiwetʼ beredokʼ reaṅ do cetʼge bạnukʼa.

Mathae 22:18

Jisu do onkoakʼ monsubại baḍaeketʼ khane metatʼkoa, “E phạsiạrako, cedakʼpe biḍạuediń kana?

Mathae 22:15

Unre Phạrusiko doko calaoena ar Jisu acʼakʼ kathate cekateko jhạliyea ona reakʼ sopolhako dhurạuena.

Mathae 21:23

Jisu do arhõ mundilteye boloyena. Ar tinreye cetʼakokan tahẽkan unre maraṅ naekeko ar Jihudikoren murubbiko do uni ṭhen hecʼkateko menkeda, “Cetʼ ektiạrite noakom kạmikana? Ar okoe noa ektiạri doe emakatʼmea?”

Mathae 19:3

Unre adom Phạrusiko do Jisu biḍạue lạgitʼ uni ṭhen hecʼkateko menkeda, “Moseyakʼ ạn lekate jãhãe hoṛ acʼren bạhu jãhãn karonte bạgiye do ganokʼtaea se baṅa?

Exodus 17:2

Onate onko do Mose tulucʼ jhogṛayenteko metadea, “Ńũi lạgitʼ dakʼ emaleme.” Moseye metatʼkoa, “Iń tulucʼ do cedakʼpe jhogṛakʼ kana, ar Probhu Isor do cedakʼpe biḍạu aṭkarede kana?”

Johan 8:6

Onko do Jisu biḍạue lạgitʼ noa kathako roṛkeda, jemon dusire paṛaoe lạgitʼ mitʼṭecʼ ạtko ńam daṛeakʼ. Unre Jisu do tumbutʼkate kạṭupʼte otre olokʼe ehopʼena.

Mark 9:16

Jisu do sostor baḍaekoe kuliketʼkoa, “Onko tulucʼ cetʼ reaṅpe reṭepeṭekʼ kana?”