Mark 7:3 - সান্তালী বাইবেল

³ Phạrusiko ar Jihudiko do sedaeren dhorom guruko okaṭakʼ niạmko emakan ona reakʼ niạm lekate ti begor ạbukte jãhãnakʼge bako jometʼ tahẽkana.

Santali Common Language New Testament

³ Phạrusiko ar sanam Jihudiko do sedaeren dhorom guruko okaṭakʼ niạmko emakan ona niạm lekate ti begor ạbukte do jom hõ bako jometʼ tahẽkana.

Mark 7:3 Referans Kwoze

Galathiko lạgitʼ Pạul Apostolakʼ ciṭhi 1:14

Iń umerren aema Jihudiko khon hõ ona dhoromre iń do ạḍitetʼ iń laha idilena. Ona chaḍa ińren hapṛamko ṭhen khon okako ạri-cạli hecʼ ạguakan ona reaṅ hõ ạḍi jidiń tahẽkana.

Mark 7:13

Nonkate hecʼ ạgu akan ạri-cạlikope cetʼako kante Isorakʼ kathape ạuṛiyakʼeda. Ona chaḍa noa lekanakʼ arhõ ạḍi utạrakʼkope kạmiyeda.”

Kolossiko lạgitʼ Pạul Apostolakʼ ciṭhi 2:8

Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

Mark 7:5

Onate Phạrusiko ar sostor baḍaeko do Jisuko kulikedea, “Hapṛamko khon hecʼạgu akan ạri-cạli do amren celako cedakʼ bako manaoeda? Onko do begor ti ạbukte cedakʼko jom ńũiyeda.”

Luk 11:38

Dhorom reakʼ niạm lekate Jisu do jom lahare ti ạrubokʼ bae ńelledete uni Phạrusi doe hahaṛayena.

Johan 2:6

Jihudikoakʼ cạli leka ona jaegare apʼ ạbukokʼ lạgitʼ dhiri reakʼ turui goṭecʼ dakʼ hanḍhako doṛomakatʼ tahẽkana. Onako reakʼ mimitʼ goṭecʼre do babar pepe mon leka dakʼ sahobokʼa.