Mark 6:20 - সান্তালী বাইবেল

²⁰ menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiyạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniyakʼ kathako ańjom doe kusikʼkan tahẽkangea.

Santali Common Language New Testament

²⁰ menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniakʼ kathako ańjome kusikʼkan tahẽkana.

Mark 6:20 Referans Kwoze

Mathae 21:26

Ar bon menle khan ‘manwa secʼ khon,’ enḍekhan ma gadel hoṛ bon botorakokan, ente sanamkoge Johan do mitʼṭen nạbi menteko manaoedea.”

Mathae 14:5

Herod do Johan gojeye menjoṅkan tahẽkana, menkhan uni do hoṛkoe botoratʼkoa, ente Johan do mitʼṭen nạbi menteko manaoede tahẽkana.

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniyakʼ ona marsalre hulạsokʼpe kusilena.

Mark 11:18

Maraṅ naekeko ar sostor baḍaeko do noa katha ańjomkate Jisu goje lạgitʼ ạt ńam baṛaeko ehopʼena. Onko do Jisuko botoraekan tahẽkana, ente hoṛko do Jisuakʼ cecetʼakʼteko bhaṛo caba akan tahẽkana.

Mark 4:16

Ar dhiri hasare ńuren itạte do onko reaṅge roṛ akana okoe do ona katha ańjomkate, unrege rạskạ seletʼko ataṅetʼkan,

Daniel 5:17

Unre Daniel do raje roṛ ruạṛadea, “Amakʼ puruskar do amakʼge baṛe tahenma ar baṅkhan eṭakʼ jãhãe hoṛ emakom. Menkhan iń do maharaj ṭhen ol akanakʼ iń paṛhaoa ar ona reakʼ bhediń bhaṅgaoaea.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Daniel 4:18

“Noa kukmũge iń Nebukadnesar raj doń kukmũkeda. Ńitokʼ do E Beltesasar, ma lạiyạńme noa reakʼ mane do cetʼkana? Ińakʼ rajren okoe ạkilanko hõ noa reakʼ mane do bako lại daṛeadińa; menkhan am dom daṛeakʼa, ente amre sonot nonkanakʼ menakʼa one ona do niạ dhạrti reakʼ baṅkan.”

Jeheskel 33:32

Noa katha do sạrikana je, onko ṭhen do cĩkạ̃ṛ aṛaṅte bajnako salakʼ dulạṛ reakʼem sereńetʼkan mitʼṭen hoṛ chaḍa cele hõm baṅkana; ente amakʼ katha doko ańjometʼgea, menkhan onka do bako kạmiya.

2 Bõsbudạ 26:5

Sakariạwakʼ oktere uni do Isorakʼ sana lekageye calakʼkan tahẽkana. Sakariạ do Isor botorae reakʼ sopolhae emaekan tahẽkana. Tinạkʼ din Probhu Isorakʼ sana lekae calaoen unạkʼ din Isor hõ uniye jo baha ocoyede tahẽkana.

2 Bõsbudạ 24:2

Jehoyada naeke jiwetʼe tahekan bhorge Joas do Probhu Isorakʼ oṛakʼre oka bhage tahẽkan onageye kạmiyetʼ tahẽkana.

2 Rapajko 13:14

Inạ lahare Elisae doe ruạ kạhil akan tahẽkana ar ona kạhilrege uni doe gocʼena. Uni gujukʼ lahare Israelren raj Jehoas do uni ńeńele senlena ar rakʼ rakʼteye menleda, “E ińren ạpuń, E ińren ạpuń, rãt gạḍiko ar aswariko leka am do Israelren rurukhiyạyicʼ kanam.”

2 Rapajko 6:21

Israelren raj do onko ńelte Elisaeye metadea, “E baba, onko do cetʼ iń gocʼkoa?”

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

Exodus 11:3

Ar Probhu Isor do Israelko cetanre Misrikoakʼ monre dayae rakapʼ ocoketʼtakoa. Ona chaḍa Mose hõ Pharaoren kạmiyạko ar Misorren hoṛkoakʼ mẽtʼãhã samaṅre mitʼṭen maraṅ hoṛe hoyena.

Aposkạmi 2:12

Onko do hahaṛa arko tharbasaoente ako akore kupulikʼko ehopʼena, “Noa reakʼ mane do cetʼkana?”

Aposkạmi 5:24

Noa katha ańjomkate mundilren maraṅ kạmiạyicʼ ar maraṅ naekeko doko andesaleyena ar cetʼ coṅ hoyokʼa nahakʼ mente hudisokʼko ehopʼena.