Mark 6:11 - সান্তালী বাইবেল

¹¹ Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko upạrte goha hoyokʼ.”

Santali Common Language New Testament

¹¹ Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko birudre goha hoyokʼ.”

Mark 6:11 Referans Kwoze

Aposkạmi 18:6

Menkhan Jihudiko do tinre Pạul upạrte katha roṛ ar uni opomaneko ehopʼena unre Pạul do onko upạrte acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭhengeń calakʼa.”

Nehemiạ 5:13

Iń do ińakʼ samaṅ secʼ koṭaketʼteń menkeda, “Okoe noa gokʼakʼ bae rukhiyại Isor do onko mimitʼko onkoakʼ oṛakʼ-duạr ar sompotti khon nonkageye koṭa giḍikakoa. Nonkan hoṛko do nonkageko koṭa giḍi ocokʼa ar onkoakʼ do sanamakʼ cabakʼ takoa.” Niạ katha ańjomkate sanam hoṛko menkeda, “Amen,” ar onko do Probhu Isorko sarhaokedea. Manotan hoṛko do akoakʼ gokʼakʼ lekageko kạmikeda.

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

1 Johan 4:17

Nonkatege dulạṛ do aboakʼ ontorre purạte hoyakana jemon bicạr hilokʼ dil bon ńam, ente noa dhạrtire aboakʼ jion do uniyakʼ jion lekagea.

2 Patras 3:7

Ar Isorakʼ inạ mitʼ kathatege ńitokʼakʼ serma ar dhạrti do seṅgelte ḍahao maraokʼ lạgitʼ dohoakana; Isor bebhokti hoṛkoakʼ bicạr ar ḍahao marao din hạbicʼ ona do jogao dohoakana.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako botorae onko do cetʼ dosa hoyokʼ takoa mente;

Romiko lạgitʼ Pạul Apostolakʼ ciṭhi 2:16

Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Luk 9:5

Ar hoṛko bako ataṅpe khan, enḍekhan onkoakʼ ato khonpe oḍokʼ hijukʼre apeakʼ jaṅga reakʼ dhuṛi hõ koṭa giḍi oṭokakʼpe, jemon onage onko upạrte gohae teṅgokʼ.”

Mathae 12:36

Menkhan ińiń metape kana, okoe ạuṛi sạuṛi kathako roṛ, onko do bicạr dinre akoakʼ mimitʼ katha reakʼ lekha jokha emokʼ hoyokʼtakoa.

Mark 6:10

Uni do arhõe metatʼkoa, “Jãhãṭakʼ oṛakʼregepe bolokʼ ona ato ạuripe bạgiyakʼ hạbicʼ ona oṛakʼrege tahenpe.