Mark 4:8 - সান্তালী বাইবেল

⁸ Menkhan thoṛa itạ do bhage hasare ńurente janamkate harayena ar gele beleyena, adom do pegel doboṛ, adom do turui gel doboṛ, ar adom do mitʼ sae doboṛ phosole hoyocokeda.”

Santali Common Language New Testament

⁸ Menkhan thoṛa itạ do bhage hasare ńurente janamkate harayena ar gele beleyena, adom do pegel doboṛ, adom do turui gel doboṛ, ar adom do mitʼ sae doboṛ phosole hoeocokeda.”

Mark 4:8 Referans Kwoze

Johan 15:5

“Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniyakʼ jionre do ạḍi joe jokʼa, ente iń begor ape do cetʼ hõ bape ceka daṛeakʼa.

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnao idikʼkante jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼkana.

Mark 4:20

ar onate onkore jãhãn jo do baṅ jokʼ kana. Ar bhage hasare ńuren itạte do onko reaṅge roṛ akana okoe do ona katha ańjomkateko ataṅetʼkan arko jokʼ kan. Okoe do pegel doboṛ, okoe do turui gel doboṛ, ar okoe do mitʼ sae doboṛ.”

Genesis 26:12

Isahak do ona bochorge ona disạmreye cas-abadkeda ar mitʼsae doboṛ phosole ńamkeda. Probhu Isor do uniye bhoradea,

Aposkạmi 17:11

Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

Mathae 13:8

Ar adomakʼ itạ do bhage hasare ńurente adom do mitʼ sae doboṛ, adom do turui gel doboṛ ar adom do pegel doboṛ gele beleyena.”

Jirimiạ 23:29

Ińakʼ kathako do cetʼ seṅgel leka do baṅkana? Okaṭakʼ hạtuṛ dhiriye kuṭạm gejeretʼkan ińakʼ katha do cetʼ ona hạtuṛ leka do baṅkana?

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Luk 8:8

Arhõ adomakʼ itạ do bhage hasare ńurena ar hara rakapʼente mitʼ sae doboṛ phosol hoyena.” Noako kathae roṛketʼ khan Jisu do ãṭ aṛaṅteye menkeda, “Ańjom lạgitʼ lutur menakʼtaeicʼ doe ańjomma.”

Mathae 13:23

Ar bhage hasare ńuren itạ reakʼte do nonkanko lạgitʼ roṛ akana okoe do ona katha ańjomkateko bujhạuetʼkan ar joko emokʼkan. Adom do mitʼ sae doboṛ, adom do turui gel doboṛ, ar adom do pegel doboṛ.”

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Mark 4:7

Adomakʼ itạ do jạnumko talare ńurena. Ar jạnumko hara idiyen khan onae jhurkeda, ar onate baṅ gele belelena.

Mark 4:9

Ado mucạtʼreye menkeda, “Ańjom lạgitʼ lutur menakʼtae hoṛ doe ańjomma.”

Ephesiko lạgitʼ Pạul Apostolakʼ ciṭhi 2:21

Mạsi tulucʼ kolom mitʼ akante dolan reakʼ goṭa hĩsge mitʼ sãote jopoṛao akante Probhu Isorakʼ tahen lạgitʼ mitʼṭecʼ sonot oṛakʼ benao rakabokʼ kana.