Mark 4:15 - সান্তালী বাইবেল

¹⁵ Ar hor aṛere ńuren itạte do nonkanko reaṅge roṛ akana okoe do ona kathako ańjomketʼ, menkhan Soetan do hecʼkate unrege onkoakʼ ontorre erakan kathakoe halaṅ ạtkira.

Santali Common Language New Testament

¹⁵ Ar hor aṛere ńuren itạte do nonkanko reaṅge roṛ akana okoe do ona kathako ańjomketʼ, menkhan Soetan hecʼkate unrege onkoakʼ ontorre erakan kathakoe halaṅ ạtkira.

Mark 4:15 Referans Kwoze

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

2 Korinthiko 2:11

jemon Soetan do abo bulạu bon lạgitʼ jãhãn dão aloe ńam. Ar uniyakʼ monsubạ dobon baḍaegea.

Luk 8:12

Hor aṛere ńũren itạte do onko lạgitʼge roṛ akana, okoe do kathako ańjomketʼ, menkhan unrege Soetan do hecʼkate onkoakʼ mon khon onae halaṅ idiya. Ar bako pạtiạukʼte onko do kại khon bańcao bako ńama.

Mark 4:4

Ado erokʼ jokhecʼ adomakʼ itạ do hor aṛere ńurena, ar cẽṛẽko hecʼkate onako halaṅ jomkeda.

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼtama, am do sonot Jiu ṭhen eṛe katham roṛ akada ar jumi ạkhriń reakʼ ṭaka khon thoṛa do am lạgitʼem dohokeda?

Jesaea 53:1

Abo emakʼ sombat do okoeye pạtiạu akawada? Probhu Isorakʼ daṛeanakʼ sopo do okoe ṭhen sodorlena?

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Johan sodor 20:7

Ona hajar bochor purạulen khan Soetan do acʼakʼ hajot oṛakʼ khone raṛa ocokʼa.

Ibriko 2:1

Onate oka bon ańjomakatʼ ona manao lạgitʼ arhõ moneyakʼ lek tabona, jemon ona khon alo bon pharakokʼ.

2 Thessalonikiko 2:9

Ar nonosṭoren hopone hijukʼre uni soṅgete Soetan reakʼ daṛe hõ tahena. Ona daṛe do joto lekan eṛe cinhạ ar hahaṛa ar daṛe kạmi hotete sodorokʼa.

Mathae 22:5

“Menkhan neota akan hoṛko do gutikoakʼ katha bako hetawada; calao baṛayenako, okoe do acʼakʼ khette, okoe do acʼakʼ bạnij beparte.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Sakariạ 3:1

Ona tayom uni serma goḍet do maraṅ naeke Josuạ samaṅre teṅgo akaniń ńelkedea ar dusiye lạgitʼ Soetan do uniyakʼ jojomsa aṛereye teṅgo akana.

Genesis 19:14

Unre Lot do bahrete senkate acʼren okoe jãwãe goṅkekin hoyokʼ onkine metatʼkinạ, “Usạrate noa jaega khon dela oḍok hijukʼben, Probhu Isor do noa nagraha ḍahao marao lạgitʼe sapṛao akana.” Menkhan unkin dokin hudiskeda uni doe khiloḍ kana.

Ibriko 12:16

Ńelpe, okoe hõ jemon Esau leka bedhoromicʼ aloe hoyokʼ se Isor bebhoktiyicʼ aloe hoyokʼ ma. Esau do mitʼ sańj jomakʼ lạgitʼ pạhil janam hoke ạkhrińletʼtaea.

Aposkạmi 17:32

Ado gocʼko arhõko jiwetʼ beredokʼa menteko ańjomketʼ khan onko modren adomko doko cigạriyadea, menkhan eṭakʼko doko menkeda, “Ale do noa reaṅ arhõle ańjoma.”

Mark 4:14

Casa hoṛ oka itại erketʼ ona itạ do Isorakʼ katha kana.

Mark 4:16

Ar dhiri hasare ńuren itạte do onko reaṅge roṛ akana okoe do ona katha ańjomkate, unrege rạskạ seletʼko ataṅetʼkan,