Mark 3:35 - সান্তালী বাইবেল

³⁵ Okoe Isorakʼ sana lekako senokʼkan onkoge ińren, boeha, misera ar eṅgạń kanako.”

Santali Common Language New Testament

³⁵ Okoe Isorakʼ sana lekako senokʼkan onkoge ińren, boeha, misera ar eṅgạń kanako.”

Mark 3:35 Referans Kwoze

1 Johan 2:17

Dhạrti ar dhạrti reakʼ rij roṅ do caba hijukʼkana, menkhan Isorakʼ sana leka okoeye senokʼkan uni do jaejug hạbicʼe tahena.

Mathae 7:21

“Okoe ‘Probhu Isor, Probhu Isorko’ mitạńkan onko joto do serma rajre ohoko bolo daṛelena, menkhan okoe ińren serma Babawakʼ sana leka senokʼe monejoṅ, unigeye bolo daṛeakʼa.

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

Ephesiko lạgitʼ Pạul Apostolakʼ ciṭhi 6:6

Hoṛ kusi ocoko lạgitʼ aperen kisạ̃ṛkoakʼ mẽtʼãhã samaṅre alope gobolokʼa; ona khon bickom Mạsiren golam leka Isorakʼ monsubạ do mon ar ontorte bataokate aperen kisạ̃ṛko ṭhen tabekʼpe.

Ibriko 10:36

Ape do sombhuri reakʼ jạruṛ menakʼtapea, jemon Isorakʼ sana leka kạmi purạukate okae gokʼ akawatʼpe ona jemonpe ńam;

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.