Mark 3:2 - সান্তালী বাইবেল

² Ar Phạrusiko modren adom hoṛ do Jisu dusire paṛaoe lạgitʼ ạtko ńam baṛayetʼkan tahẽkana. Ar jirạukʼ mãhãre Jisu jãhãeye bogekoa se baṅa onate bhageteko tạnkhiyede tahẽkana.

Santali Common Language New Testament

² Ar Phạrusiko modren adom hoṛ do Jisu dusire paṛaoe lạgitʼ ạtko ńam baṛayetʼkan tahẽkana. Ar jirạukʼ mãhãre Jisu jãhãeye bogekoa se baṅ onate bhageteko tạnkhiyede tahẽkana.

Mark 3:2 Referans Kwoze

Sereńko 37:32

Bạṛicʼ hoṛko do Isor botoraeko lạgitʼ tãṛãkʼ akanko tahena, ar onko gocʼko reakʼko kurumuṭuiya.

Luk 14:1

Mitʼ jirạukʼ mãhãre Jisu do Phạrusikoren mitʼṭen mukhiyạ hoṛakʼ oṛakʼte jom lạgitʼe calaoena. Unre Phạrusiko do Jisu mońjteko tạnkhiyede tahẽkana.

Luk 6:7

Unre sostor baḍaeko ar Phạrusiko do Jisu dusire paṛaoe lạgitʼ ạtko ńam baṛayetʼ tahẽkana. Ar jirạukʼ mãhãre uni do jãhãeye bogekoa se baṅ, ona lạgitʼ mońjteko tạnkhi baṛayede tahẽkana.

Luk 20:20

Sostor baḍaeko ar maraṅ naekeko do Jisu akoakʼ nojorreko dohokedea ar guptocorko kolketʼkoa. Onko guptocor do Jisu acʼakʼ kathate jhạliye lạgitʼ dhorom hoṛ leka udugokʼko ehopʼena, jemon onko do disạm cakʼlaoyicʼ gobolreko soprot daṛeae.

Johan 9:16

Noate Phạrusiko modren adomko doko menkeda, “Uni hoṛ do Isor ṭhen khon bae hecʼakana, ente uni do jirạukʼ mãhã hõ bae manaoeda.” Eṭakʼ Phạrusiko doko menkeda, “Cekate mitʼṭen kại hoṛ do nonkan hahaṛawakʼe kạmi daṛekea?” Nonkate onko talare bhinạ bhini hoyena.

Mathae 12:10

Onḍe do mitʼṭen hoṛe tahẽkana one okoe do mitʼ ti borocʼge tahẽkantae. Phạrusiko do uniko kulikedea, “Dhorom reakʼ niạm lekate jirạukʼ mãhãre jãhãe bogeye do ganokʼgea?”

Daniel 6:4

Onate onko raj-ạkʼyurko ar onko disạm cakʼlaoko do sorkari kạmi babotre Danielakʼ dos ńam baṛaeko ehopʼena, menkhan bako daṛeada. Unire onko do jãhãn dosge bako ńam daṛeada, ente uni do pạtiạrgeye tahẽkana, jãhãn dos se bhul do unire baṅ tahẽkana.

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Mark 3:3

Jisu do uni borocʼ ti hoṛe metadea, “Beretʼme ar talare teṅgokʼme.”

Johan 8:6

Onko do Jisu biḍạue lạgitʼ noa kathako roṛkeda, jemon dusire paṛaoe lạgitʼ mitʼṭecʼ ạtko ńam daṛeakʼ. Unre Jisu do tumbutʼkate kạṭupʼte otre olokʼe ehopʼena.