Mark 3:18 - সান্তালী বাইবেল

¹⁸ Andreas, Philip, Bartholomae, Mathae, Thoma, Alphaeren hopon Jakob, Thaddae, ar moullobadi Simon,

Santali Common Language New Testament

¹⁸ Andreas, Philip, Bartholomae, Mathae, Thoma, Alphaeren hopon Jakob, Thaddae, ar moullobadi Simon,

Mark 3:18 Referans Kwoze

Aposkạmi 1:13

Ado nagrahateko boloyen khan onko do oka koṭha kandhareko tahẽkan onḍeko rakapʼena. Noko celakoakʼ ńutum do Patras, Johan, Jakob ar Andreas, Philip ar Thoma, Bartholomae ar Mathae, Alphaeren hopon Jakob ar moulobadi Simon ar Jakobren hopon Jihudạ.

Mark 2:14

Inạ tayom horteye parom calakʼkan tahẽkanre Alphaeren hopon Lewi do mạsul uṭhạu reakʼ oṛakʼre duṛupʼ akane ńelkedea. Jisu do uniye metadea, “Dela hijukʼte, ińren cela hoyokʼme.” Unre Liwi doe beretʼente Jisui pańjakedea.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.

Mathae 9:9

Jisu onḍe khone calakʼkan tahẽkan jokhecʼ Mathaeko metae mitʼ hoṛ do mạsul uṭhạu reakʼ oṛakʼre duṛupʼ akane ńelkedea. Jisu do uniye metadea, “Dela ińren cela hoyokʼme.” Ar unrege Mathae doe beretʼente Jisui pańjakedea.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

Galathiko lạgitʼ Pạul Apostolakʼ ciṭhi 1:19

Unre Probhu Isorren boeha Jakob chaḍa eṭakʼ jãhãe apostolko sãote ińakʼ ńapam do baṅ hoylena.

1 Korinthiko 15:7

Ona tayom uni do Jakob ṭhen ar tayomte do sanam apostolko ṭhene ńel ocoyena.

1 Korinthiko 9:5

Eṭakʼ sanam apostolko, Probhu Isorren boehako ar Kephasteko cetʼ leka akoren bạhuko seletʼ porcarko oḍokokʼkan, onkage Mạsire pạtiạu akan bạhuko seletʼ porcar oḍokokʼ reakʼ ạidạri do cetʼ bạnukʼtalea?

Aposkạmi 21:18

Ar dosar hilokʼ Pạul do ale sãote Jakob ńeńele senena. Onḍe do manḍerren sanam murubbikoko tahẽkana.

Aposkạmi 15:13

Adokin roṛ mucạtʼketʼ khan Jakobe menkeda, “E boehako, ańjompe.

Johan 21:2

Simon Patras, ar jawako metae Thoma ar Gạlil reakʼ Kana nagraharen Nathaniel, Sabdaeren hoponkin ar Jisuren eṭakʼ barea cela onko do mitʼ soṅgeteko tahẽkana.

Johan 14:22

Unre Jihudạ do (Iskariot do baṅ) uniye metadea, “E Probhu Isor, am do cetʼ eken ale ṭhengem sodorokʼa, ar dhạrtiren hoṛko ṭhen do baṅ?”

Johan 11:16

Unre Thoma, okoe do jawako metae, uni do sãotenkoe metatʼkoa, “Dela bon, abo hõbon calakʼa, jemon uni sãotebo gujukʼ.”

Johan 1:40

Johanakʼ katha ańjomkate okoekin cela Jisukin pańjalede unkin modre mitʼ hoṛakʼ ńutum do tahẽkana Andreas. Uni do Simon Patrasren boehae tahẽkana.

Mark 6:3

Nui do cetʼ uni kaṭmistiri doe baṅkana? Nui do cetʼ Mạriạmren hopon doe baṅkana? Jakob, Joses, Jihudạ ar Simon takoren boeha doe baṅkana? Uniren miseratko do cetʼ nonḍe abo talare bạnukʼkoa?” Nonkage hoṛko do Jisu iạte monre tạkijokʼko ehopʼena.

Mathae 13:55

Nui do cetʼ kaṭmistiriren hopon doe baṅkana? Uniren eṅgat do cetʼ Mạriạm doe baṅkana? Ar uniren boehako do cetʼ Jakob, Joseph, Simon ar Jihudạ, doko baṅkana?

Mark 3:17

Sabdaeren hopon Jakob ar Johan, (nukinakʼ ńutum do Boanergise dohoketʼ tạkina metakʼme huḍurren hoponkin);

Mark 3:19

ar Jihudạ Iskariot, okoe do bạiriko then Jisui sapʼ ocolede.