Mark 3:16 - সান্তালী বাইবেল

¹⁶ Ar okoe gelbar hoṛe bahalketʼko onko doko hoyokʼ kana, Simon, uni do Patrase bahnakedea;

Santali Common Language New Testament

¹⁶ Ar okoe gelbar hoṛe bahalketʼko onko doko hoyokʼ kana, Simon, uni do Patrase bahnakedea;

Mark 3:16 Referans Kwoze

Johan 1:42

Ar Andreas do Jisu ṭhen Simone ạgukedea. Jisu do Simon beṅgetʼadeteye metadea, “Am do Johan hopon Simon kanam, menkhan am do kephasem hoho ocokʼa.” Noa ńutum reakʼ mane do Patras, metakʼme dhiri.

Aposkạmi 1:13

Ado nagrahateko boloyen khan onko do oka koṭha kandhareko tahẽkan onḍeko rakapʼena. Noko celakoakʼ ńutum do Patras, Johan, Jakob ar Andreas, Philip ar Thoma, Bartholomae ar Mathae, Alphaeren hopon Jakob ar moulobadi Simon ar Jakobren hopon Jihudạ.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

1 Korinthiko 9:5

Eṭakʼ sanam apostolko, Probhu Isorren boehako ar Kephasteko cetʼ leka akoren bạhuko seletʼ porcarko oḍokokʼkan, onkage Mạsire pạtiạu akan bạhuko seletʼ porcar oḍokokʼ reakʼ ạidạri do cetʼ bạnukʼtalea?

1 Korinthiko 3:22

baṅ do Pạul, baṅ do Apolloss, baṅ do Kephas, baṅ do dhạrti, baṅ do jion, baṅ do moron, baṅ do ńit menakʼakʼko, ar baṅ do tayom daramakʼko, onako sanamakʼge apeakʼkana;

1 Korinthiko 1:12

Iń do noań meneda, apeko modren adomkoko meneda, “Iń doń Pạulren kana” ar adomko doko meneda, “Apollosren kạnạń” ar adomko doko meneda, “Kephasren kạnạń” ar adomko doko meneda, “Iń doń Mạsiren kana.”

Mark 1:16

Mitʼ din Jisu do Gạlil doreão aṛeteye parom calakʼkan tahẽkana. Unre Simon ar uniren boeha Andreas do doreãore jhạlikin oḍaokan tahẽkana. Ente unkin do jạilạkin tahẽkana.

Mark 3:15

bạṛicʼ jiuko oḍok giḍiko reakʼ daṛeye danako ar porcar lạgitʼe kol daṛeako.

Mark 3:17

Sabdaeren hopon Jakob ar Johan, (nukinakʼ ńutum do Boanergise dohoketʼ tạkina metakʼme huḍurren hoponkin);

Luk 6:13

Ado setakʼen khan acʼren celako acʼ ṭhene hohoatʼkoa ar onko mod khon gelbar hoṛe bachaoketʼkote apostol hudại ematʼkoa.