Mark 3:10 - সান্তালী বাইবেল

¹⁰ Ar ḍher hoṛe boge akatʼko tahẽkante rugiko do uni joṭede lạgitʼko ṭhela ṭhilikʼkan tahẽkana.

Santali Common Language New Testament

¹⁰ Ar ḍher hoṛe boge akatʼko tahẽkante rugiko do uni joṭede lạgitʼko ṭhela ṭhilikʼkan tahẽkana.

Mark 3:10 Referans Kwoze

Mark 6:56

Ar jãhã nagraha, se atoteye calakʼkan tahẽkan onḍege hoṛko do bajarkore rugiko jarwayetʼko tahẽkana. Ar uniyakʼ kicricʼ ańcar joṭetʼtae lạgitʼko nehõraekan tahẽkana, ar tinạkʼ do uniko joṭetʼede tahẽkan onko doko bogekʼkan tahẽkana.

Mathae 14:36

Ar joto dukhạliạko uni ṭhenko ạguketʼkoteko nehõradea jemon onko do uniyakʼ kicricʼ reakʼ ańcarko joṭetʼ daṛeakʼ; ar tinạkʼko joṭetʼketʼ onko do jotogeko bogeyena.

Mathae 4:23

Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Aposkạmi 5:15

Ado apostolko okako cekayetʼkan tahẽkan ona ńelte hoṛko do parkom ar cạukikote rugiko ạguketʼkoa ar hor horteko dohoketʼkoa, jemon Patrase parom calakʼ jokhecʼ uniyakʼ umul do onkore paṛaokʼ.

Luk 7:2

Onḍe mitʼṭen Rom Subedarren guti do ruạ kạhilte gujukʼ dạkhile tahẽkana. Ar Subedar do uni guti ạḍiye dulạṛedekan tahẽkana.

Ibriko 12:6

Ente Probhu Isor do okoeye dulạṛe, unigeye ḍanṭaoea, ar gidrạ mente okoekoe aṅgocko, onko mitʼke mitʼ doe sạjạikoa.

Mark 5:34

Jisu do uniye metadea, “E mạ̃i, amakʼ pạtiạugeye boge akatʼmea. Sulukte calao joṅme, ar amakʼ duk khon boge akae tahenme.”

Mathae 14:14

Ar lạukạ khone pheḍen khan uni do gadel hoṛko ńelte mãyã hecʼadea ar onko modre tinạkʼ rugiko tahẽkan onko jotokoe bogeketʼkoa.

Mathae 12:15

Ado ona soṛojontroe baḍaeketʼ khan Jisu do onḍe khone oḍok calaoena. Unre gadel hoṛ do uniko pańja idikedea.

Numeri 11:33

Menkhan onkoakʼ jelko togocʼ akatʼ ar ạuriko udrege Probhu Isor do hoṛko cetanre pit caṛhaoentaea. Ar onkoe ńẽtʼketʼkoa.

Genesis 12:17

Menkhan Abramren bạhu Sạri iạte Probhu Isor do Pharao ar uniyakʼ oṛakʼren hoṛko cetanre aema lekan ruạ hasoke paṛao ocokeda.

Mark 8:22

Jisu ar acʼren celako do Bethsaeda atoteko calaoena. Ar onḍe do mitʼṭen kãṛã hoṛ Jisu ṭhenko ạgukedea ar joṭedea menteko nehõradea.

Luk 5:3

Unre Jisu do Simonakʼ lạukạreye decʼena ar ḍhip khon thoṛa pharak ńokʼ idiye metadea. Ona tayom uni do lạukạreye duṛupʼena ar gadel hoṛko cetʼakoe ehopʼena.

Luk 6:19

Ar sanam hoṛ do uni joṭede lạgitʼko kurumuṭuyetʼ tahẽkana, ente uni khon do daṛe oḍokokʼkan tahẽkana ar onate jotokoko bogekʼkan tahẽkana.

Luk 7:21

Unre Jisu do ruạ hasote jạbun akanko ar bạṛicʼ jiu sapʼakatʼko hoṛkoe bogeketʼkoa ar kãṛã hoṛko hõ ńeńel daṛeye danatʼkoa.