Mark 2:1 - সান্তালী বাইবেল

¹ Thoṛa din tayom Jisu do arhõ Kapharnạhum nagrahateye calaoena. Ar hoṛko do mitʼṭecʼ oṛakʼre menaea menteko ańjomkeda.

Santali Common Language New Testament

¹ Thoṛa din tayom Jisu do arhõ Kapharnạhum nagrahateye calaoena. Ar hoṛko do mitʼṭen oṛakʼre menaea menteko ańjomkeda.

Mark 2:1 Referans Kwoze

Johan 4:47

Uni rajren kạmiyạ hoṛ do Jisu Jihudiạ khon Gạlilteye hecʼakana menteye baḍaeketʼ khan uni do Jisu ṭhen senkateye nehõrena jemon Kapharnạhumte senkate gidrạye bogeye. Unre uniren gidrạ do gujukʼ dạkhile tahẽkana.

Mark 7:24

Inạ tayom Jisu do ona jaega bạgikate Tur ar Sidon elakateye calaoena. Uni do mitʼṭecʼ oṛakʼteye boloyena ar okoe hõ aloko baḍaeyea menteye menwana, menkhan bae oko tahẽ daṛeada.

Luk 5:18

Unre thoṛa hoṛ do parkomte mitʼkaṛ gocʼ rog hoṛko gokʼ ạgukedea. Onko do bhitrite idikate Jisu samaṅre dohoye lạgitʼko kurumuṭukeda,

Mark 1:45

Menkhan uni hoṛ do bahrete oḍok senkate sanam jaegare noa khobor lại pasnaoe ehopʼena. Onate Jisu do okaṭakʼ nagrahate hõ sodorte bae bolo daṛeada. Uni do nisun jaegakore tahen hoyentaea; ar enrehõ hoṛko do sanam jaega khon uni ṭhen hijukʼko ehopʼena.

Mathae 9:1

Inạ tayom Jisu do lạukạreye decʼena ar doreão paromkate acʼakʼ nagrahateye hecʼena.

Aposkạmi 2:6

Onko do ona saḍeko ańjomkeda ar ḍherkoge onḍeko jarwayena. Ar apan ạpin pạrsite celako katha roroṛko ańjomketʼko khan onko doko tharbasaoena.

Mathae 4:13

Jisu do Gạlilteye calaoena ar Nasaret atoe bạgiyatʼte Sebulon ar Naphthạli elaka reakʼ doreão aṛe Kapharnạhum nagrahate senkateye berelena.

Mark 2:2

Unre nunạkʼ hoṛko jarwayena je, duạr bahrere hõ jaega do ar baṅ tahẽlena. Ar Jisu do hoṛko ṭhen Isorakʼ kathae porcaretʼkan tahẽkana.

Mark 3:20

Jisu oṛakʼteye hecʼen khan uni ṭhen arhõ nunạkʼ hoṛko jarwayena je, acʼ ar acʼren celako do cetʼge bako jom daṛeada.

Mark 7:17

Inạ tayom gadel hoṛko bạgikate oṛakʼe boloyen khan celako do ona katha reakʼ bhedtetʼko kulikedea.

Mark 9:28

Inạ tayom Jisu do oṛakʼ bhitriteye boloyena. Unre celako do hape hapete hecʼkateko kulikedea, “Cekate ale do bale oḍok daṛeadea?”

Luk 4:23

Jisui metatʼkoa, “Ape do noa hõpe mitạńa, ‘E raranicʼ amge baṛe bogekokʼme.’ Arhõpe mitạńa, ‘Kapharnạhumre okako kạmi reakʼ kathale ańjomakatʼ, onako ńitokʼ nijakʼ atorehõ udugme.’ ”