Mark 16:18 - সান্তালী বাইবেল

¹⁸ onko do tite bińko sapʼkoa, ar gujukʼakʼ jãhãnakʼgeko jomlere hõ ohoko hạnlena, ar rugikoko capokoa arko bogekʼa.”

Santali Common Language New Testament

¹⁸ onko do tite bińko sapʼkoa, ar gujukʼakʼ jãhãnakʼgeko jom ńulere hõ ohoko hạnlena, ar rugikoko capokoa arko bogekʼa.”

Mark 16:18 Referans Kwoze

Luk 10:19

Ńelpe, iń do biń ar kidińko cetanre lebedokʼ reakʼ daṛe, ar aperen bạiri Soetanakʼ sanam lekan daṛe cetanre hõ ektiạriń em akatʼpea. Onate jãhãnakʼtege ohope hạ̃nlena.

Aposkạmi 19:12

Uniyakʼ gamcha ar oyonakʼ rugiko ṭhenko idiyetʼ tahẽkanre onkoakʼ ruạ do bogekʼkan tahẽkana ar bạṛicʼ jiuko hõko oḍok calakʼkan tahẽkana.

Aposkạmi 4:30

Amakʼ ti tiyạrtam jemon amren sonot guti Jisu ńutumte onko do hoṛkoko boge daṛeako ar hahaṛa kạmi ar cinhạkoko udukʼ daṛeakʼ.”

Aposkạmi 3:16

Nuipe ńelekan arpe baḍaeyede kan hoṛ do, Jisureye pạtiạuente, uniyakʼ ńutumte daṛeye ńamkeda. Ar Jisu hotete oka pạtiạu hijukʼkan ona pạtiạuge uni do sanamko samaṅreye bogekedea.

Aposkạmi 9:34

Patras do uni ńelkede khane metadea, “E Aeneas, Jisu Mạsi do ame bogeketʼmea. Ma beretʼme, ar amakʼ aṭetʼ kuṭuṅtam.” Khange uni do saṭmenteye beretʼena.

Aposkạmi 3:12

Unre onko do Solomonakʼ pinḍạreko tahẽkana. Ar Patras do onae ńelketʼ khan hoṛkoe metatʼkoa, “E Israelko, noa iạte cedakʼpe hahaṛakʼ kana? Ạlińakʼ daṛete se Isorakʼ bhoktite nui liń taṛam daṛe ocokedete cedakʼpe beṅgetʼ uricʼ ạliń kana?

Mark 5:23

Uni do Jisu nehõradeteye metadea, “Ińren kuṛi do gujukʼ dạkhilre menaea. Ado senkate dela capoyem, ar inạtege uni doe boge utạrokʼa.”

Sereńko 91:13

Am do kul ar kạrinạṅgiń biń cetantem taṛama, ar dhạcri kul ar biń kidińkom lebetʼ gańjaokoa.

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

1 Korinthiko 12:9

Ar eṭakʼko do ini Jiu hotete pạtiạukʼ se ruạ hasoko boge reakʼ daṛe se hahaṛa kạmi reakʼ daṛe se nạbi leka Isorakʼ katha roroṛ reakʼ daṛe se boge ar bạṛicʼ jiuko oromko reakʼ daṛe;

Aposkạmi 4:10

Enḍekhan ape ar sanam Israelko noa katha baḍae dohokakʼpe je, Nasaretren Jisu Mạsi, okoe dope kuruslede ar okoe do gocʼko khon Isore jiwetʼ beretʼkede, uniyakʼ daṛetege nui hoṛ doe bogeyente ape samaṅreye teṅgo akana.

Aposkạmi 4:22

Ar okoe hoṛe bogeyen uniyakʼ umer do pongel bochor khon hõ bạ̃ṛti tahẽkantaea.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”