Mark 16:1 - সান্তালী বাইবেল

¹ Ado Jirạukʼ mãhã paromen khan Magdalaren Mạriạm, Jokob eṅgat Mạriạm, ar Salomiteko do mạ̃ṛĩre ojokʼakʼ lạgitʼ mońj so mosolako kiriń ạgukeda.

Santali Common Language New Testament

¹ Ado Jirạukʼ mãhã paromen khan Magdalaren Mạriạm, Jokob eṅgat Mạriạm, ar Salomiteko do mạ̃ṛĩre ojokʼakʼ lạgitʼ mońj so mosolako kiriń ạgukeda.

Mark 16:1 Referans Kwoze

Luk 23:56

Ona tayom ruạṛ senkate uniyakʼ hoṛmore lạgitʼ mahkaokʼ sunum ar mosolako tearkeda. Ar ona tayom do Moseyakʼ hukum leka jirạukʼmãhã hilokʼ doko jirạuena.

Mark 15:40

Ar maejiuko hõ sạṅgińre teṅgokateko ạri bạndhiyetʼ tahẽkana. Onko modre Magdalaren Mạriạm, huḍiń Jakob ar Josestekinren eṅgat Mạriạm ar Salomitekoko tahẽkana.

Johan 19:31

Ona din do porob reakʼ sapṛaokʼ din tahẽkana. Ar dosar hilokʼ jirạukʼ mãhã tahẽkante Jihudi mukhiyạko do ona dinre kurus cetanre mạ̃ṛĩko tahen do bako khojlakʼa. Onate Pilạt ṭhenko nehõrena jemon kurusre menakʼkoakʼ jaṅga rạputʼkate kurus khonko pheḍ idiko.

Johan 19:25

Jisuren eṅgattetʼ, ar uniren eṅgattetʼren bokot kuṛi, Klopa rinicʼ Mạriạm, ar Magdalaren Mạriạm noko do Jisuakʼ kurus ṭhenko teṅgo akan tahẽkana.

Mark 16:8

Onko maejiu do cetʼhõ bako bujhạu daṛeatʼte thar tharaokʼ tulucʼ topa dander khon oḍokkateko dạṛkeda. Onko do nunạkʼko botorena je, botorte okoe hõ cetʼge bako lạiyatʼkoa.

Mark 15:47

Jisuakʼ mạ̃ṛĩ okare dohoyen, ona do Magdaloniren Mạriạm ar Joses eṅgat Mạriạmtekin hõkin ńelkeda.

Mark 14:8

Uni okae daṛeakatʼ onageye kạmi akada. Uni do topayiń lạgitʼe sapṛaoedińte laharege sunume ojokʼ ạdińa.

Mark 14:3

Unre Jisu do Bethaniạren murhucʼ jom rugi Simonakʼ oṛakʼreye tahẽkana. Ado jojome duṛupʼ akan tahẽkanre mitʼṭen maejiu do ponḍ dhiri cukạkʼre ạḍi daman jaṭamaṅsi sunumanteye hecʼena. Ar cukạkʼ rạputʼkate uni do Jisuakʼ bohokʼre ona sunume dulkeda.

2 Bõsbudạ 16:14

Ar ạḍi lekan jut so mosola ar aema lekan mońj so teakʼ jinisate aṭetʼreko giticʼkadea ar Dạudakʼ nagrahare uni do acʼ lạgitʼ topa okareye ṭhik doholetʼ onḍegeko topakedea. Hoṛko do uni manote lạgitʼ maraṅ okocʼ seṅgelko jolkeda.

Luk 23:54

Ona din do tahẽkana jirạukʼ mãhã reakʼ sapṛaokʼ din. Ar jirạukʼ mãhã do ehopʼ lạgidokʼkan tahẽkana.

Mark 15:42

Enhilokʼ do sapṛaokʼ din, metakʼme jirạukʼ mãhã laha din tahẽkana.

Genesis 50:2

Tayomte uni do acʼ taberen rarankoe hukumatʼkoa jemon apatakʼ hoṛmore mosolako ojokʼae. Ar onko do onkageko kạmikeda.

Mark 16:2

Ar hapta reakʼ pạhil din setakʼ jokhecʼ, cando rakabokʼ sãote onko do topa ṭhenko calaoena.

Luk 24:1

Ado hapta reakʼ pạhil hilokʼ ạḍi setakʼre onko maejiu do ona mahkaokʼ mosolawante topa ṭhenko calaoena.