Mark 15:24 - সান্তালী বাইবেল

²⁴ Inạ tayom onko do Jisuko kuruskedea. Ar palṭonko do uniyakʼ kicricʼ hạṭińjoṅa menteko gulibãṭkeda.

Santali Common Language New Testament

²⁴ Inạ tayom onko do Jisuko kruskedea. Ar palṭonko do uniakʼ kicricʼ hạṭińjoṅa menteko gulibãṭkeda.

Mark 15:24 Referans Kwoze

Luk 23:34

Unre Jisui menkeda, “E baba, ikạkakome, ente bako baḍaea cetʼko cekayeda mente.” Onko do gulibãṭkate Jisuakʼ kicricʼko hạṭińana.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Aposkạmi 5:30

Ape do okoeṭakʼ kaṭre akakatepe gocʼlede aboren hapṛamkoren Isor do uni Jisuge gocʼko khone jiwetʼ beretʼakadea.

Dosar Biboron 21:23

enḍekhan setakʼ hạbicʼ mạ̃ṛĩ do darere aka dohokakʼ baṅ ganokʼa. Enhilokʼge uni do topakae hoyokʼa, ente onkanko hoṛ do Probhu Isorren sarapan hoṛkanako. Ar Probhu Isor do sompotti lekate okaṭakʼ disạme emape lạgidokʼkan ona do alope besapha ocoya.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.