Mark 15:21 - সান্তালী বাইবেল

²¹ Ado ona jokhecʼ Kurene nagraharen Simon ńutuman mitʼṭen hoṛ do ato secʼ khon ona horteye calakʼkan tahẽkana. Uni do Aleksander ar Ruphustekinren apate tahẽkana. Palṭonko do Jisuakʼ kurus gokʼiditae lạgitʼ uniko sapʼ paṭetʼkedea.

Santali Common Language New Testament

²¹ Ado ona jokhecʼ Kurene nagraharen Simon ńutuman mitʼṭen hoṛ do ato secʼ khon ona horteye calakʼkan tahẽkana. Uni do Aleksander ar Ruphustekinren apate tahẽkana. Palṭonko do Jisuakʼ krus gokʼiditae lạgitʼko sapʼ paṭetʼkedea.

Mark 15:21 Referans Kwoze

Luk 23:26

Ado Jisuko idiyedekan tahẽkanre Kureniren Simon ńutuman mitʼ hoṛ do ato secʼ khone oḍok hijukʼkan tahẽkana. Unre palṭonko do uniko sapʼpaṭetʼkedete tarenre kurusko ladeadea jemon Jisu tayomte onae gokʼ idi daṛeakʼ.

Mathae 27:32

Ado onḍe khonko oḍok hijukʼkan tahẽkanre palṭonko do Kureni nagraharen Simon ńutuman mitʼṭen hoṛko ńamkedea. Ar Jisuakʼ kurus gokʼ iditae lạgitʼko sapʼ paṭetʼkedea.

Romiko lạgitʼ Pạul Apostolakʼ ciṭhi 16:13

Mạsire keṭecʼ pạtiạuicʼ mente okoeyakʼ ńutum menakʼ uni Ruphus ar uniren eṅgattetʼ hõ joharạkinpe. Ente uniren eṅgat do ińren hõ gogoleka kanae.

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoyicʼ Herod sãoteye ạsul haralen Manaen ar Sạul.

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Aposkạmi 6:9

Ar okaṭakʼ sunạgog do sạdhin hoṛkoakʼ sunạgogko metakʼkan tahẽkan ona sunạgogren adomko hoṛ do Stephan upạrteko teṅgoyena. Onko do Kureni ar Aleksandriạ nagraharen ar Kilikiạ ar Asiạ disạmren Jihudikoko tahẽkana.

Aposkạmi 2:10

Phrugiạ ar Pamphuliạren, Misor ar Kurene senakʼ Lubiạ reakʼ adom jaegaren hoṛko, ar Rom nagrahare upriạ Jihudiko ar Jihudi dhoromreko pạtiạu akan boṅgan hoṛ jạtrenko,

Luk 14:27

Okoe acʼakʼ kurus gokʼkate iń tayomte bae hijukʼ, uni hõ ińren cela do ohoe hoydaṛelena.

Mark 15:20

Adoko siṛog baṛawade khan beguni roṅakʼ kicricʼko totʼketʼtaea ar acʼakʼ kicricʼko horokʼadete kuruskae lạgitʼko idikedea.

Johan 19:17

Ar Jisu do acʼakʼ kurus gokʼkate khạpriko metakʼ mitʼṭecʼ jaegateye senena. Ona jaega reakʼ ńutum do Ibrite Golgothako metakʼkan tahẽkana.

Mathae 5:41

Jãhãe acʼakʼ bojha mitʼ mail iditae lạgitʼe sapʼlem khan uni tulucʼ bar mail calakʼme.