Mark 14:58 - সান্তালী বাইবেল

⁵⁸ “Ale do roroṛle ańjomakadea, ‘Iń do manwa benaoakʼ noa mundil iń dhaṅ dhasera ar pe dinte nonkan mitʼṭen mundil iń benaoa okaṭakʼ do manwa tite benaoakʼ baṅkan.’ ”

Santali Common Language New Testament

⁵⁸ “Ale do roroṛle ańjomakadea, ‘Iń do manwa benaoakʼ noa mundil iń dhaṅ dhasera ar pe dinte nonkan mitʼṭen mundil iń benaoa okaṭakʼ do manwa tite benaoakʼ baṅkan.’ ”

Mark 14:58 Referans Kwoze

Ibriko 9:11

Menkhan Mạsi do darakan joto bhageakʼren maraṅ naeke lekategeye hecʼlena. Uni do artetʼ bhage ar artetʼ mońj sewa tạmbure Isorakʼ sewa lạgitʼgeye hecʼlena. Noa tạmbu do manwa tite benaowakʼ do baṅkana, metakʼme ona do dhạrti reakʼ jãhãn jinis hõ baṅkana.

2 Korinthiko 5:1

Baḍaegea bon, noa dhạrtire oka kumbạ oṛakʼre bon tahenkan metakʼme, oka nijor hoṛmowante menakʼ bon ona rạputʼlenre hõ aboakʼ do Isor emakʼ mitʼṭecʼ oṛakʼ menakʼ tabona. Ona oṛakʼ do manwa tite benaoakʼ do baṅkana, ona do jaejug khonge sermare menakʼa.

Johan 2:19

Jisui roṛ ruạṛatʼkoa, “Isorakʼ oṛakʼ dhaṅ dhaserpe, iń do pe mãhãte arhõ onań beretʼ ruạṛa.”

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Aposkạmi 7:48

“Menkhan maraṅ Isor do manwakoakʼ benaoakʼ oṛakʼre bae tahenkana. Nạbiye menetʼ leka,

Mark 15:29

Ar horte parom calakʼkanko do bohokʼ ruku rukuate Jisu siṛogaeteko metadea, “Eya mundil dhaṅ dhasericʼ ar pe dinte benao ruạṛicʼ!

Daniel 2:34

Am dom ńeńelkan tahẽkangea, ar mucạtʼre begor manwa tite mitʼṭecʼ dhiri do uni boṅga muṭhạn ar jaṭaṅ hasae josketʼte onakoe gejerkeda.

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Mathae 26:61

“Nui hoṛe men akada, Isorakʼ mundil iń dhaṅ dhasera ar pe dinte arhõń benao ruạṛa.”

Mark 14:57

Unre adom hoṛ do teṅgoyente uni upạrte noa eṛe gohako emkeda,

Mark 14:59

Menkhan enrehõ onkoakʼ goha do baṅ jurilentakoa.