Mark 13:8 - সান্তালী বাইবেল

⁸ Mitʼ jạtko do eṭakʼ jạtko upạrte, ar mitʼ rajosṭi do eṭakʼ rajosṭi upạrteko lạṛhạiya; ar aema jaegare dhạrti laṛaokʼa ar akal hoyokʼa. Menkhan noako do eken saset reakʼ etohopʼ kana.

Santali Common Language New Testament

⁸ Mitʼ jạt eṭakʼ jạt birudre, ar mitʼ rajosṭi do eṭakʼ rajosṭi upạrteko lạṛhạiya; ar aema jaegare dhạrti laṛaokʼa ar akal hoyokʼa. Menkhan noako do eken saset reakʼ etohopʼ kana.

Mark 13:8 Referans Kwoze

Mathae 24:8

Menkhan noako do eken bedon reakʼ ehopʼkana.

Jesaea 37:3

Onko do Jesaeako metadea, “Hiskiạ do nonkae meneda, teheńakʼ din do gạr, ar nisṛạu ar opoman reakʼ din kana. Ale do gidrạkole janamko leka dosa hoyakantalea menkhan onko janamko reakʼ daṛege bạnukʼtalea.

Sereńko 48:6

Botorte onko do onḍeko thar tharaoena ar bedonte gidrại janamede kan maejiu lekako hoyena.

Johan sodor 6:4

Unre seṅgel leka eṭakʼ mitʼṭen arakʼ sadome oḍok hecʼena. Ar okoe uni sadomreye decʼakan tahẽkan uni do dhạrti khon suluk ocog lạgitʼ ektiạriye em ocoyena, jemon hoṛko do ako akoko gocʼ gopojokʼ. Uni do mitʼṭen maraṅ okocʼ tarwaṛe hõe emocoyena.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Aposkạmi 11:28

Onko modren Agabus ńutuman mitʼ hoṛ doe teṅgoyente sonot Jiuakʼ ạyurteye lại lahakeda je, goṭa Rom disạmre mitʼṭecʼ maraṅ akal hoyokʼa. (Ona do Klạudius raj oktere hoylena.)

Sakariạ 14:13

Enhilokʼ Probhu Isor ṭhen khon maraṅ ḍamaḍolge onkore paṛaokʼa ar onko doko ńẽtʼ ocokʼa. Onko sanamkoge apan ạpin upạrte tiko epela.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Jirimiạ 50:43

Babelren raj do onko babotre khobore ańjom akada ar uniyakʼ ti do lạbṛukʼ akantaea. Ar bedonokʼkan maejiu lekage haso rakapʼ akawadea.

Jirimiạ 49:24

Damesek doe lạbṛukʼ akana, uni do dạṛ lạgitʼe ruạṛ akana ar botor caṛhao akadea; bedonokʼkan maejiu leka bedon rakapʼ akawadea.

Jirimiạ 25:32

Phạdkoren Probhu Isore meneda, “Ńelme, mitʼ jạtrenko khon ar mitʼ jạtrenko cetanre muhin do pasnao akana; dhạrti reakʼ ses simạnako khon mitʼṭecʼ birbão hoe do rakapʼakana.”

Jirimiạ 22:23

E Lebanon reakʼ debdạru kaṭte benaoakʼ oṛakʼren tahen kạnicʼ, maejiu hoṛakʼ bedon leka tinre haso rakapʼama unre am dom geraṅa!”

Jirimiạ 13:21

Okoeko rapaj sãotem gatelen Probhu Isor do am cetare onko tinreye dohokoa unre am do cetʼem menkea? Bedonokʼ jokhecʼ maejiu cetʼ leka haso rakapʼae onkage amhõ cetʼ baṅ hasomea?

Jirimiạ 6:24

Onko reaṅ khoborle ńamakada ar onate aleakʼ ti do lạbṛugokʼkantalea. Ale do hasotele thakao akana; bedonokʼkan maejiu lekage haso rakapʼ akawatʼlea.

Jesaea 19:2

Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

2 Bõsbudạ 15:6

Mitʼ jạtrenko do eṭakʼ jạtrenko cetanre, mitʼ nagraharenko do eṭakʼ nagraharenko cetanre bạṛicʼ lạgitʼko kurumuṭukan tahẽkana, ente Isor ạḍi lekan be bhạlại iạteye kosṭoyetʼko tahẽkana.

Mark 13:7

Ape do lạṛhại reakʼ saḍekope ańjomlere alope bilbilạukʼa. Noako do hoyokʼgea, menkhan unrehõ mucạdokʼ okte do baṅkana.

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.