Mark 13:24 - সান্তালী বাইবেল

²⁴ “Ona okte reakʼ santao tayomge siń cando doe ńutokʼa, ar ńindạ cando do bae terdeja,

Santali Common Language New Testament

²⁴ “Ona okte reakʼ santao tayomge siń cando doe ńutokʼa, ar ńindạ cando do bae terdeja,

Mark 13:24 Referans Kwoze

Jesaea 13:10

Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

2 Patras 3:10

Menkhan Probhu Isorakʼ din do kombṛo leka hijukʼa. Ona dinre serma do sãe sãe saḍete parom calakʼa ar siń cando, ńindạ cando, ipilko sanamgeko atarokʼa arko le cabakʼa. Dhạrti ar onare menakʼ sanamakʼge ḍahao maraokʼa.

Amos 5:20

Probhu Isorakʼ din do marsal baṅkate cetʼ ńutakʼ do baṅ hoyokʼa? Jhalkaokʼ marsal khon cetʼ kaṛaṅ ńutakʼ do baṅ hoyokʼa?

Joel 3:15

Siń cando ar ńindạ cando dokin ńutokʼa ar ipilko do marsal bako emokʼa.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

2 Patras 3:12

Unre serma do lokʼte ḍahao maraokʼa ar siń cando, ńindạ cando ar ipilko hõko atarokʼa arko galao cabakʼa.

Joel 2:10

Onko samaṅre dhạrti do dal dalaokʼa, serma hõ thạl thạlokʼa, siń cando ar ńindạ cando dokin ńutokʼa ar ipilko hõ bako terdeja.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Jeheskel 32:7

Am sesme jokhecʼ rimil doń dapal esetʼkakʼa ar ipilkoń ńutkoa; rimilte siń candoń dapal esedea ar ńindạ cando do marsal bae emokʼa.

Jirimiạ 4:28

Dhạrti doe homor halaṅa ar coṭ sermako do ńutokʼa, ente ińge noa katha doń meneda. Noa do ińgeń ṭhik dohoakada; ona khon do bạń pạc ruạṛokʼa, ona doń hoeocoygea.”

Mark 13:23

Menkhan ape do sontor akae tahenpe. Ńelpe, laharege jotowakʼ iń lại dohowatʼpea.